ORIN 18
A Mọyì Ìràpadà
-
1. A wá síwájú rẹ
lónìí yìí, Jèhófà,
Torí ìfẹ́ tó ga jù
tí o fi hàn sí wa.
O fọmọ rẹ ọ̀wọ́n rúbọ,
ká lè ríyè.
Ẹ̀bùn tó ga jù lọ táa lè
rí gbà lèyí jẹ́.
(ÈGBÈ)
Ẹ̀jẹ̀ tó ṣe iyebíye
ni Jésù fi rà wá pa dà.
Títí ayé,
la ó máa dúpẹ́ oore ńlá tóo ṣe yìí.
-
2. Ikú àtẹ̀ṣẹ̀ sọ wá
d’aláìnírètí.
Torí ìfẹ́ ni Jésù
ṣe fẹ̀mí rẹ̀ rúbọ.
A ti wá nírètí
ìyè àìnípẹ̀kun.
Ó ti dá wa nídè,
a ti bọ́ lọ́wọ́ ikú.
(ÈGBÈ)
Ẹ̀jẹ̀ tó ṣe iyebíye
ni Jésù fi rà wá pa dà.
Títí ayé,
la ó máa dúpẹ́ oore ńlá tóo ṣe yìí.
(Tún wo Héb. 9:13, 14; 1 Pét. 1:18, 19.)
