Ana Mlungu Akwete Mena Galingwa?
Kwanga kwakutyochela m’Baibulo
Mlungu akwete lina limo. M’chihebeli likusalembedwa kuti יהוה nambo m’Chiyao ŵaligopolele kuti “Yehofa.” a Lina lyakuti Yehofa likusasimanikwa malo gakwana 7,000 m’mipukutu jakala ja Baibulo. Linali likusasimanikwa malo gejinji kupunda mena gane ga Mlungu kapenasoni lina lya mundu jwalijose jwakolanjidwa m’Baibulo. b
Ana pana mena gane ga Yehofa?
Atamose kuti Baibulo jikusasala kuti Mlungu akwete lina limo, nambope akusamanyikasoni ni mena gejinji ga udindo. Kwende tulole gane mwa mena ga udindoga. Menaga gakulosya mwaŵelele Yehofa nambosoni ndamo syakwe.
Lina lya udindo |
Palikusimanikwa |
Ngopolelo jakwe |
|---|---|---|
Allah |
(Pangali) |
Maloŵe ga Achialabu gakuti, “Allah” nganigaŵa lina lisyesyene lya “Mlungu.” Nambo maloŵega gali lina lya udindo lyalikusagopolela kuti “Mlungu.” Ma Baibulo ga Chialabu soni gayiŵecheto yine gakusakamulichisya masengo maloŵe gakuti, “Allah” pakusala ya “Mlungu.” |
Jwamachiligosope |
Akwete machili gakuti pangali jwalijose jwampaka alimbane najo. Maloŵe ga Chihebeli gakuti, ‘El Shad·dai,’ gakusagopolela kuti, “Mlungu Jwamachiligosope.” Maloŵega gakusasimanikwa m’Baibulo malo gakwana 7. |
|
Alefa ni Omega |
Maloŵega gakusagopolela kuti, “Jwandanda soni jwakumalisya,” kapena kuti, “Ndandililo soni mbesi.” Yeleyi yikulosya kuti pangali Mlungu Jwamachiligosope juŵapali Yehofa mkanapagwe soni ngasipasimanikwa jwine panyuma pakwe. (Yesaya 43:10) Maloŵe gakuti Alefa ni Omega gali yilembo ya mu afabeti ja mu Chigiliki. Alefa chili chilembo chandanda, Omega chili chilembo chakumalisya mu alifabeti ja Chigiliki. |
|
Jwachitamile Mpaka Kalakala |
Daniele 7:9, 13, 22 |
Mlungu jwangali ndandililo jakwe. Jwalakwe aŵele ali apali kutandila kalakala. Chilichose mkanichipagwe, jwalakwe jwaliji juli jupali.—Salimo 90:2. |
Mkupanganya |
Aloma 1:25 [Malangano Gasambano 1992 Edition] |
Jwalakwe ni juŵatendekasisye kuti yindu yosope yipagwe. |
Atati |
Jwalakwe ni jwakusapeleka umi. |
|
Mlungu |
Jwalakwe ni jwakusosekwa kumtumichila. Ali jwamachili mnope. Liloŵe lya Chihebeli lyakuti ʼElo·himʹ likusasala ya yindu yejinji. Yeleyi yikulosya ukulungwa wa Yehofa, uchimbichimbi kapena umbone wakwe. |
|
Mlungu jwakujipunda milungu |
Jwalakwe ali Mlungu jwapenani mnope kulekangana ni “milungu jakupanganyidwa” jakusajitumichila ŵandu ŵane.—Yesaya 2:8. |
|
Mkupanganya Jwamkulungwa |
Salimo 149:2 [NWT] |
Jwalakwe ni juŵatendekasisye kuti yindu yosope yipagwe.—Chiwunukuko 4:11. |
Ŵakupikana lipopelo |
Salimo 65:2 |
Mlungu akusapikanila mapopelo ga jwalijose naga akupopela kwa jwalakwe mwachikulupi. |
Une Ndili |
Jwalakwe akusaŵa chilichose pakusaka kwanilisya chakulinga chakwe. Maloŵega gagopoleledwe kuti, “Chinjiŵa jwachinjisaka kuŵa” m’Baibulo ja Dziko Latsopano. Maloŵega gakutukamuchisya kumanyilila lina lisyesyene lya Mlungu.—Ekisodo 3:15. |
|
Jwajelasi |
Ekisodo 34:14, [NWT] |
Jwalakwe akusasaka kuti ŵandu amtumichileje jwalakwepe. Maloŵega ŵagagopolelesoni kuti, “jwalakwe jwangasakaga kuti chilichose chipikisaneje ni jwalakwe” soni “akusasaka kuti ŵandu alipelecheje kwa jwalakwe.”—God’s Word Bible soni New World Translation. |
Mwenye jwampaka kalakala |
Ulamusi wakwe wangali pakutandila kapena mbesi. |
|
AMBUJE |
Salimo 135:5 |
Maloŵega gakusagopolela msyene kapena ambuje. Mu Chihebeli maloŵega akusagakolanga kuti ʼA·dhohnʹ soni ʼAdho·nimʹ. |
Ŵakwinani Mnope |
Salimo 47:2 |
Jwalakwe ali jwamkulungwa mnope pa yindu yosope yaŵapanganyisye. |
Jwamswela |
Misyungu 9:10 |
Jwalakwe jwangali ndamo jilijose jakusakala. |
Jwagumba |
Yesaya 64:8 |
Mlungu akwete ulamusi pa mundu jwalijose soni mitundu josope ja ŵandu mpela mwakusatendela jwagumba litaka.—Aloma 9:20, 21. |
Jwakulupusya |
Yesaya 41:14 |
Jwalakwe akusiŵawombola kapena kwakulupusya ŵandu ku ulemwa ni chiwa kupitila mu mbopesi ja Yesu Klistu.—Yohane 3:16. |
Lwala |
Salimo 18:2 |
Mlungu akusatukulupusya soni kutukamuchisya. |
Mkuchinga |
Salimo 23:1 |
Jwalakwe akusiŵasamalila ŵakutumichila ŵakwe. |
Jwakupunda Yosope |
Daniele 7:18, 27 |
Jwalakwe ali jwakulamulila jwamkulungwa kupunda jwalijose. |
Ligongo chichi tukusosekwa kumanyilila soni kamulichisya masengo lina lya Mlungu?
Mlungu akusaliwona lina lyakwe lyakuti Yehofa kuŵa lyakusosekwa mnope. Ni ligongo lyakwe jwalakwe jwatesile yakomboleka pakusaka kuti linali lisimanikwe malo gejinji m’Baibulo.—Malaki 1:11.
Yesu jwali mwanache jwa Mlungu jwasasile mwakuwilisyawilisya kusosekwa kwa lina lya Mlungu. Mwachisyasyo pajwapolepaga kwa Yehofa jwasasile kuti, “Lina lyawo lichimbichikwe.”—Mateyu 6:9; Yohane 17:6.
Chindu chandanda chakusatenda ŵandu ŵakusamanyilila soni kamulichisya masengo lina lya Mlungu, chili kulimbisya unasi wawo ni Yehofa. (Salimo 9:10; Malaki 3:16) Kuŵa paunasi ni Mlungu mpaka kwakamuchisye kuti akulupilileje yilanga ya Mlungu. Pangani ja chilangachi Baibulo jikusati, “Pakuŵa mpundile kunonyela une tinjimkulupusya. Tinjimchenjela pakuŵa mkulimanyilila lina lyangu.”—Salimo 91:14.
Baibulo jikusalosya kuti, “Kwana yindu yakwinani kapena pa chilambo chapasi pano yele yakusayikolanga kuti ‘milungu,’ nipo ŵanduwo akwete tumilungu, ni ‘achambuje’ ŵajinji.’” (1 Akolinto 8:5, 6) Nambope Baibulo jikusasala mwakupikanika chenene kuti lina lisyesyene lya Mlungu jwakuwona lili “Yehofa.”—Salimo 83:18, NWT.
a Achinamatetule ŵane ŵa Chihebeli, akusanonyela kamulichisya masengo maloŵe gakuti “Yahweh” pakusala ya lina lya Mlungu. Pakwamba ya lina lisyesyene lya Mlungu alole maloŵe gamwiŵanda pa Ekisodo 3:14.
b Lina lya Mlunguli akusalilemba mwakata kuti, “Ya.” Linali likusasimanikwasoni pa maloŵe gakuti, “Haleluya,” kapena, “Aleluya.” Linali likusasimanikwa m’Baibulo malo gakwana 50. Maloŵega gakusagopolela kuti, “Mwalumbe Ambuje Ya.”—Chiwunukuko 19:1, NWT.
You May Also Like
KWANGA KWA YIWUSYO YA M’BAIBULO
Ana Yehofa Ali Ŵani?
Ana jwalakwe ali Mlungu jwa mtundu umpepe wa ŵandu mpela muyaŵelele ni Aisalaeli?
ESSENTIAL BIBLE TEACHINGS
Ana Mlungu Akwete Lina?
Mlungu akwete mena gejinji ga udindo. Gane mwa gelega, gali Jwamachili Gosope, Mkupanganya soni Ambuje. Nambo lina lyakwe lisyesyene likusasimanikwa m’Baibulo malo gakupunda 7,000.
