Pa Ogasiti 8, 2022, Luŵala lwa Magambo lwa mu chigawo cha Golovinskiy mumsinda wa Moscow, lwasasile kuti M’bale Aleksandr Serebryakov soni Yuriy Temirbulatov ali ŵakulemwa. Wosopeŵa ŵalamwile kuti chakamuleje masengo ga ukayidi ali kumangwawo kwa yaka 6 ni hafu. Ndaŵi jijojo ŵakopwesye nikwasalila kuti ajawuleje kumangwawo, mwamti pandaŵi ajino ngakusosekwa kwawula kundende.

1. Febuluwale 10, 2021

   Unduna wakulola ya m’chilambo soni ŵapolisi ŵatesile chipikisheni soni kasa nyumba 16 sya ŵa Mboni sya Yehofa. Mwamti abale ŵaŵili ŵaputile soni ŵane 18 ŵajigele kuti ŵawusye yiwusyo. Soni Aleksandr ni Yuriy ŵasunjile kupolisi.

2. Febuluwale 12, 2021

   Abaleŵa ŵasunjile mu ukayidi kwembecheya lisiku lyakwajimba magambo

3. Okotoba 28, 2021

   Yuriy ŵakwete chakuyimba mwamti mwachitemachitema ŵamtumisye kuchipatala kuti akachitumbule

4. Nofemba 4, 2021

   Yuriy ŵamkopwesye m’chipatala nikumtumisyasoni ku ukayidi kuti akajembecheyeje lisiku lyakwimbidwa magambo

5. Febuluwale 7, 2022

   Lisikuli ni pagatandite magambo

Aleksandr ni Yuriy ali yisyasyo yambone pangani jakusamalila maŵasa gawo atamose kuti ŵatamaga mwakulekangana ni maŵasa gawo. Yehofa apitilisye kwakamuchisya jemanjaji yalumo ni achiŵamkwawo pakupitilisya kuŵa ŵakulupichika pakupilila yakusimana nayo .—1 Timoteyo 5:8.