Ŵa Mboni sya Yehofa pa chilambo chosope chapasi soni ŵandu ŵa chidwi, chachitenda mwambo wakumbuchila chiwa cha Yesu Lyaŵili pa Epulo 7, 2020. Myoyo chaka achino ligongo lya ulwele wa COVID-19 chakutendekwa chakumbuchila chiwa cha Yesu, chichitendekwa mwakulekangana ni mwayiŵelele munyumamu. Ŵandu ŵajinji pachilambo chosope, chachisongana pakamulichisya masengo fidiyokofelesi.

Ligongo lya mlili wa kolonafayilasi, m’yilambo yejinji ŵakulamulila ŵa boma alekasisye kuti ŵandu akasonganaga ŵajinji malo gamo. Yakuyichisya yakwe, mipingo jejinji pachilambo chapasi, akutenda misongano pakamulichisya masengo fidiyokofelesi. Litala lyeleli chachilikamulichisyasoni masengo pakutendela mwambo wakumbuchila chiwa cha Yesu. Kwa ŵandu ŵanganaŵa akombwele kutenda pakamulichisya masengo fidiyokofelesi, pologalamuji, chijiŵichidwesoni pa jw.org.

Chaka chimasile, ŵandu ŵakwana 20 miliyoni wasimanikwe pa mwambo wakumbuchila chiwa cha Yesu. Tukukulupilila kuti ŵandu ŵajinji chachisimanikwa pa mwambo wakumbuchila chiwa cha Yesu chinga pakamulichisya masengo fidiyokofelesi, kulumbikana kupitila pa foni kapena kulolela ngani jakwambula pa jw.org.

M’yilambo yejinji, mlili wa kolonafayilasi ukupitilila. Pakusaka kuwambala ulwelewu, tukusosekwa kukuya malangiso gosope gakupeleka ŵakulamulila ŵaboma mpaka pandaŵi jele mliliwu uchimala. Nambope tukwete chikulupi chakuti Yehofa chatukamuchisye patukutenda yakomboleka kuti tupikanile lilamusi lya Yesu lyakuti “mtendeje yeleyi kuti mungumbuchileje.”—Luka 22:19.