Ŵandu ŵajinji akusakayichila naga yili yakomboleka kola sogolo jambone. Yili myoyo ligongo lyakuti ŵanduŵa ayiweni yindu yejinji yangayijembecheya yili mkutendekwa. Mwachisyasyo, ulwele wa COVID-19 utendekasisye kuti yindu yejinji paumi wa ŵandu yikajendaga. Ulwelewu uwuleje ŵandu ŵajinji soni utendekasisye kuti ŵajinji alajeje ni usawuchi. Ligongo lya yeleyi ŵandu akusaganisya kuti kusogoloku umi wawo ngasiwuŵa chenene.

Ligongo lya yindu yangayijembecheya ŵandu akusatenda yampaka akombole kuti chakole umi wambone msogolo. Ŵandu ŵane akusakulupilila kuti pana machili ganegakwe gangawoneka gagakusigakamuchisya kuti yindu yajendeleje chenene. Ŵane akusalimbichila majiganyo soni kusosasosa chipanje. Akusaganisya kuti kutenda yeleyi kuchakamuchisya kupata yakusaka. Pele ŵane akusaganisya kuti kuŵa mundu jwambone ni kwampaka kwakamuchisye kola umi wambone.

Ana akuganisya kuti yindu yeleyi mpaka yakamuchisye kola sogolo jambone? Naga yili myoyo akusosekwa ganichisya kwanga kwa yiwusyo ayi:

• Ana sogolo jawo jikusadalila yindu yapi?

• Ana majiganyo kapena mbiya mpaka syakamuchisye kola umi wambone?

• Ana kuŵa mundu jwambone ni kwampaka kwakamuchisye kola sogolo jambone?

• Ana ni yindu yapi yampaka yakamuchisye kola sogolo jambone?

Sanja ja Mlonda jeleji chijakamuchisye kupata kwanga kwa yiwusyoyi