ბიბლია არმაგედონს ვემიშინუანს, მუჭოთ ართ კონკრეტულ რეგიონს იჸუაფუნ ფერ დაპირისპირებას. თინა წინასწარმეტყველენს, ნამდა არმაგედონ იჸუაფ გლობალურ დაპირისპირება არძა ადამიანურ მთავრობა დო ღორონთ შქას.

•   «დემონეფიშ შთაგონებულ სიტყვეფ... მეულა მსოფლიოშ მეფეეფშა, მუშენდა ობრძოლებერო აკოშაყარუან თინეფ ირფელიშშემალებე ღორონთიშ დიდ დღას... აკოშაყარეს თინეფ ადგილს, ნამდგას ებრაულო „არმაგედონ“ ჯოხო» (გამოცხადება 16:14, 16).

 სიტყვა „არმაგედონ“ თარგმნილ რე ებრაულ სიტყვა „ჰარ-მეგიდონშე“ (Har Meghid·dohnʹ), მუთ ნიშნენს „მეგიდოშ გვალას“. მეგიდო რდჷ ქალაქ ჯვეშ ისრაელიშ ტერიტორიას. ათეშენ, ნამთინეშ აზრით, არმაგედონ ისრაელს იჸუაფ. მარა, ვართ მეგიდოშ მხარეს დო ახლო აღმოსავლეთიშ ნამთინ მხარეს ვა რე თიშმადიდა ტერიტორია, სოდეთ მთელ „მსოფლიოშ მეფეეფ“ მუნეფიშ ჯარეფწკუმა ართო გინტირედეს.

 „გამოცხადებაშ“ წიგნ სიმბოლურ ნინათ რე ჭარილ (გამოცხადება 1:1). თაშ ნამდა, სიტყვა „არმაგედონს“ პირდაპირ გაგებათ კონკრეტულ ადგილ ვეგულისხმებ. თინა ეჭარუნს მოვლენას, მუჟამსით ერეფ ართათ ეკიშაყარუნა ღორონთიშ მართველობაშ წინააღმდეგ (გამოცხადება 19:11—16, 19—21).