“Wei morĩ watẽme Atsimirobꞌrudzé” — Tane danhimirowaptẽrẽ mono
E nimahã na hã ma tô ĩrowaptẽ Ropotoꞌwai wi tinhimirobꞌrudzé watẽme wei morĩ da. Duréi hawi, daꞌahö na te natsi rowaptẽrẽ dzaꞌra ni ãne: “Wei morĩ watẽme Atsimirobꞌrudzé hã.” E marĩ wa, ãne te natsi rowaptẽrẽ dzaꞌra ni. Jesus te te nharĩ wa, tidzadawa dzamarĩꞌwa norĩ ma, te te rowaptẽrẽ dzaꞌra da Ropotoꞌwa nhimirobꞌrudzé wei morĩ da hã.
Jesus tsiré ꞌre ĩnomro mono norĩ hã te te tsadaihuꞌu dzaꞌra õ ré uburé te te dama ĩrowahudu hã Ropotoꞌwa nhimirobꞌrudzéb ãma, ma tô tsiwi tsadanha: ‘Wanhibꞌapito, e ãhã na Israel nhihudu norĩ te te ꞌre ĩdaꞌmadöꞌö dzaꞌra mono dzé hã te dza apö para na ĩtsã.’ Ma tô titobꞌudzu dzaꞌra te te tsima ĩwẽ dzaꞌra dzéb dzarina Jesus te te atsa tsadaꞌöbö dzaꞌra õ wa. (Atos 1:6, 7) E tawamhã tsadai õ bö tsadaihuꞌu da marĩ na Ropotoꞌwa nhimirobꞌrudzé hã niwamhã niha na dza watẽme wei ĩnebdzé hã.
Ãhã ĩtsõrédzé te dza aima waihuꞌu ta norĩ ãma:
E marĩ Ropotoꞌwa nhimirobꞌrudzé.
E marĩ wa, te wawi tsô tirowaptöꞌö dzaꞌra Ropotoꞌwa nhimirobꞌrudzéb dzô.
E ꞌwa Rotiꞌwa hã Ropotoꞌwa nhimirobꞌrudzéb ꞌremhã.
E niwa Ropotoꞌwa nhimirobꞌrudzé te dza roti Tiꞌai ãma.
E marĩ Ropotoꞌwa nhimirobꞌrudzé te dza ãma uwaimra.
E marĩ wa, Ropotoꞌwa nhimirobꞌrudzé wa dza upari dzaꞌra ni.
Ãté aima wẽ di dza taha na duré
ESSENTIAL BIBLE TEACHINGS
E marĩ hã Höimanaꞌuꞌö Nhimirobꞌrudzé
Tiꞌai ré, Jesus ma tô dama romnhoré petse Höimanaꞌuꞌö Nhimirobꞌrudzéb dzô. Ã bötö mono na hã duré, daꞌahö na te da te ꞌre rowaptẽrẽ dzaꞌra Höimanaꞌuꞌö Nhimirobꞌrudzéb dzô.
