Neʼe Natou “Sisio” Ki Te ʼu Meʼa ʼAe Neʼe Fakapapauʼi
“Nee mole natou mau te u mea ae nee fakapapau age kia natou; kae nee natou sisio . . . mai mamao kia natou.”—HEPELEO 11:13.
1. He koʼe ʼe lelei ke tou fakakaukauʼi ia te ʼu meʼa ʼae ʼe mole feala ke tou sisio ki ai? (Vakaʼi te ʼuluaki pāki.)
NEʼE foaki mai e Sehova ia he meʼa ʼofa taulekaleka. ʼE ko te fealagia ʼae ke tou fakakaukauʼi ia te ʼu meʼa ʼae ʼe mole tou sisio ki ai. ʼE tokoni mai ia te fealagia ʼaia ke tou fiafia ʼi te ʼu meʼa ʼae ʼi te ka haʼu. Pea ke tou toe fai ia he ʼu fakatuʼutuʼu fakatomuʼa pea mo tekeʼi ia te ʼu fihifihia. ʼE iloʼi e Sehova ia te ka haʼu, pea ʼe ina fakaha mai ia te ʼu meʼa ʼae ʼe feala ke tou fakaʼamu ki ai. Tatau aipe pe ʼe mole feala ke tou sisio ki ai, kaʼe ʼe feala hatatou fakakaukauʼi ia te ʼu meʼa ʼaia pea mo tou tui ʼe hoko anai.—2 Kolinito 4:18.
2, 3. (1) ʼE tokoni feafeaʼi mai tatatou fakakaukau? (2) Kotea ia te ʼu fehuʼi ka tou tali anai ki ai ʼi te alatike ʼaeni?
2 ʼE mahino ia, ʼe feala ʼi ʼihi temi ke tou fakakaukauʼi ia he ʼu meʼa ʼe mole hoko anai. Ohage la, ko he kiʼi toe fafine ʼe ina fakakaukauʼi ʼe heka ʼi he kiʼi pepe. ʼE moʼoni ia, ʼe mole feala anai ia te faʼahi ʼaia. Kaʼe ko Ana, ia te faʼe ʼa Samuele, neʼe ina fakakaukauʼi te ʼu meʼa ʼae neʼe feala ke hoko. Neʼe manatu tuʼumaʼu ki te ʼaho ʼae ka ina ʼave anai ia tana tama ki te tapenakulo ʼo gaue fakatahi mo te kau pelepitelo. Neʼe mole ko he moemisi pe ia. 1 Samuele 1:22) Kapau ʼe tou fakakaukauʼi ia te ʼu faʼahi ʼae neʼe fakapapauʼi e Sehova ke ina fai, pea ʼe tou fakakaukauʼi ia he ʼu aluʼaga ʼe hoko moʼoni anai.—2 Petelo 1:19-21.
Neʼe ko he faʼahi neʼe kua ina fakatuʼutuʼu ke ina fai. Koia, kotou fakakaukauʼi age muʼa te temi ʼae neʼe maʼu ai e Ana te malohi moʼo fakahoko ia tana fakapapau ʼae neʼe ina fai kia Sehova. (3 Tokolahi ʼi te hahaʼi ʼa Sehova ʼo te temi muʼa, neʼe feala ke natou fakakaukauʼi ia te meʼa ʼae neʼe ina fakapapauʼi. He koʼe neʼe lelei ke natou fai ia te faʼahi ʼaia? Pea he koʼe ʼe toe lelei kia tatou hatatou fakakaukauʼi pe ʼe feafeaʼi anai totatou maʼuli moka fakahoko moʼoni anai te ʼu fakapapau ʼa te ʼAtua?
NEʼE MALOHI TANATOU TUI MOKA NATOU FAKAKAUKAUʼI IA TE KA HAʼU
4. He koʼe neʼe feala kia Apele hana fakakaukauʼi hona ka haʼu ʼe lelei age?
4 Ko Apele neʼe ko te ʼuluaki tagata ʼae neʼe tui ki te ʼu fakapapau ʼa Sehova. Neʼe ina iloʼi ia te ʼu palalau ʼaeni ʼa Sehova ki te gata ʼi te hili ʼo te agahala ʼa Atama mo Eva: “E au tuku anai te fehia ia koe mo te fafine, i tou hakoga mo tona hakoga: e malamalaki anai e te hakoga o te fafine tou ulu, kae e ke uusi anai tona mulivae.” (Senesi 3:14, 15) Neʼe mole iloʼi lelei e Apele pe ʼe hoko feafeaʼi anai ia te aluʼaga ʼaia. Kaʼe neʼe lagi ina fakakaukauʼi ia te faʼahi ʼae neʼe ui e te ʼAtua. Neʼe feala pe ke feʼekeʼaki fenei ia Apele: ‘Ko ai ʼae ka maumauʼi anai e te gata pea mo tokoni anai ki te tagata ke toe liliu ʼo haohaoa?’ Neʼe tui ia Apele ʼe fakahoko moʼoni anai e Sehova ʼana fakapapau, pea neʼe fiafia ia Sehova ʼi te temi ʼae neʼe ina fai ai ia he molaga.—Lau ia Senesi 4:3-5; Hepeleo 11:4.
5. He koʼe neʼe lelei ke fakakaukauʼi e Enoke ia te ka haʼu?
5 Ko Enoke neʼe ko he tahi tagata neʼe tui malohi ki te ʼAtua. Neʼe maʼuli ʼi te lotolotoiga ʼo he hahaʼi agakovi ʼae neʼe natou “laukovi” ki te ʼAtua. Kaʼe neʼe lotomalohi ia Enoke pea neʼe ina fakamafola te logo ʼa te ʼAtua. Neʼe ina fakaha ki te hahaʼi ʼe fakaʼauha anai e Sehova ia te hahaʼi agakovi. (Suta 14, 15) Kotea ʼae neʼe tokoni ki ai ke ina fai te faʼahi ʼaia? Neʼe lagi fakakaukauʼi e Enoke pe ʼe feafeaʼi anai te malamanei moka tauhi fuli anai te hahaʼi kia Sehova.—Lau ia Hepeleo 11:5, 6.
6. Hili te Tulivio, kotea ia te faʼahi ʼae neʼe feala ke manatu ki ai ia Noe?
6 Neʼe tui ia Noe kia Sehova koia ʼae neʼe mole fakaʼauha ai ʼi te Tulivio. (Hepeleo 11:7) Pea tupu ko tana tui, neʼe sakilifisioʼi e Noe he ʼu manu kia Sehova. (Senesi 8:20) Hili te Tulivio, neʼe liliu ia te malamanei ʼo toe ʼaʼasili kovi age. Neʼe kamata pule ia Nimelote pea neʼe ina loto ke agatuʼu ia te hahaʼi kia Sehova. (Senesi 10:8-12) Kaʼe neʼe malohi tuʼumaʼu pe ia te tui ʼa Noe. Ohage ko Apele, neʼe tui papau ia ʼe pulihi anai e Sehova ʼi he ʼaho ia te agahala mo te mate. Neʼe feala kia Noe ke ina fakakaukauʼi te temi ʼae ʼe mole toe ʼi ai anai he takitaki agakovi. O toe feia pe mo tatou, ʼe feala ke tou fakakaukauʼi ia te temi fakafiafia ʼaia ʼae kua vave hoko mai.—Loma 6:23.
NEʼE NATOU FAKAKAUKAUʼI TE TEMI ʼAE KA HOKO MOʼONI AI ANAI TE ʼU FAKAPAPAU ʼA SEHOVA
7. Kotea ia te ka haʼu ʼae neʼe feala ke fakatalitali ki ai ia Apalahamo, mo Isaake pea mo Sakopo?
7 Neʼe feala kia Apalahamo, mo Isaake pea mo Sakopo ke natou fakakaukauʼi ia he ka haʼu taulekaleka. Neʼe fakapapauʼi e Sehova kia natou ʼe tapuakinaʼi anai te ʼu puleʼaga fuli ʼaki tonatou “hakoga.” (Senesi 22:18; 26:4; 28:14) Neʼe toe fakapapauʼi e te ʼAtua kia natou ʼe liliu anai ʼonatou famili ko he puleʼaga lahi pea ʼe natou maʼuʼuli anai ʼi te Kele ʼo Te Fakapapau. (Senesi 15:5-7) Koteʼuhi neʼe iloʼi e Apalahamo, mo Isaake pea mo Sakopo ʼe fakahoko moʼoni anai e Sehova ʼana fakapapau. Koia, neʼe feala ai ke natou fakakaukauʼi kua maʼuʼuli ʼonatou famili ʼi te fenua ʼaia. Talu mai te agahala ʼa Atama mo Eva, neʼe tokoni ia Sehova ki ʼana kaugana agatonu ke natou mahino pe ʼe toe maʼu feafeaʼi anai ʼi he ʼaho e te tagata ia he maʼuli haohaoa.
8. Kotea ʼae neʼe tokoni kia Apalahamo ke malohi tana tui pea ke fakalogo?
8 Neʼe fakalogo ia Apalahamo kia Sehova maʼia pe neʼe hoko ia he ʼu aluʼaga faigataʼa koteʼuhi neʼe malohi ia tana tui. Neʼe toe feala kia Apalahamo pea mo ʼihi atu ʼu kaugana agatonu ke natou fakakaukauʼi ia te ʼu aluʼaga ʼae neʼe fakapapauʼi e te ʼAtua, maʼia pe neʼe mole hoko moʼoni ia te ʼu fakapapau ʼaia ʼi te temi ʼae neʼe kei natou maʼuʼuli ai. ʼE ui fenei ʼi te Tohi-Tapu: “Nee natou sisio mo taukalo mai mamao kia natou.” (Lau ia Hepeleo 11:8-13.) Neʼe iloʼi e Apalahamo neʼe fakahoko tuʼumaʼu pe e Sehova ʼana fakapapau ʼi te temi muʼa, koia ʼae neʼe tui papau ai ʼe fakahoko moʼoni anai e Sehova ʼana fakapapau fuli ki te ka haʼu.
Ko te hahaʼi ʼo te temi muʼa neʼe natou fakatalitali ki te temi ʼae ka pule anai ia Sehova mo tona puleʼaga ki te kele ʼo talu ai
9. Neʼe tokoni feafeaʼi kia Apalahamo ia tana tui ʼae ki te ʼu fakapapau ʼa te ʼAtua?
9 Neʼe fakahoko tuʼumaʼu pe e Apalahamo ia te ʼu fakatotonu ʼae neʼe kole age e Sehova ke ina fai. Koteʼuhi neʼe tui malohi ʼo ʼuhiga mo te fakapapau ʼae neʼe fai age e Sehova. Ohage la, neʼe mavae mai tona ʼapi ʼae ʼi te kolo ko Ule, pea neʼe mole maʼuli fualoa ʼi he kolo ʼi tona maʼuli katoa. Neʼe ina iloʼi ʼe mole tuʼu fualoa anai ia te ʼu kolo ʼae ʼi ʼona tafaʼaki koteʼuhi ko te kau takitaki neʼe mole natou tauhi kia Sehova. (Sosue 24:2) Kaʼe neʼe fakatalitali ki te temi ʼae ka pule anai ia Sehova mo tona puleʼaga ki te kele ʼo talu ai. Ko te puleʼaga ʼaia ʼe ko “te kolo ae e ina mau ni fakatafito malohi, te kolo ae nee laga pea nee fau e te Atua totonu.” (Hepeleo 11:10) Neʼe tui ia Apalahamo, mo Apele, mo Enoke, mo Noe pea mo ʼihi atu ki te fakatuʼuake. ʼI te temi fuli pe ʼae neʼe natou manatu ai ki te maʼuli heʼe gata ʼi he kele taulekaleka, neʼe toe malohi age ai tanatou tui ʼae kia Sehova.—Lau ia Hepeleo 11:15, 16.
10. He koʼe neʼe lelei ke fakatalitali ia Sala ki te ka haʼu?
10 Neʼe tui malohi ia Sala, ia te ʼohoana ʼo Apalahamo ki te ʼu fakapapau ʼa Sehova. Logo la neʼe kua taʼu 90 pea neʼe mole heʼeki ʼi ai hana tamasiʼi, kaʼe neʼe fakaʼamu ki te temi ʼae ka ina maʼu anai hana tamasiʼi. Neʼe feala ke fakakaukauʼi e Sala ia te liliu ʼana fanau ko he puleʼaga lahi. (Hepeleo 11:11, 12) He koʼe neʼe tui papau ki te faʼahi ʼaia? Koteʼuhi neʼe ui fenei e Sehova ki tona ʼohoana: “E au tapuaki anai kia ia, pea e au foaki anai kia koe he foha ia ia. E au tapuaki anai kia ia, pea e liliu anai ia ia ko te fae a ni puleaga; e tupu anai maia ia ni hau o ni hahai.” (Senesi 17:16) Ohage ko tona fakapapauʼi e Sehova, neʼe maʼu ai e Sala hana tama, neʼe higoa ko Isaake. Ko te milakulo ʼaia, neʼe tui papau ai ʼe hoko moʼoni anai ia te ʼu fakapapau ʼa Sehova. ʼE feala mo tatou ke tou fakamalohiʼi tatatou tui moka tou fakakaukauʼi ia te ʼu meʼa taulekaleka ʼae neʼe fakapapauʼi mai e Sehova kia tatou.
NEʼE INA MANATUʼI TUʼUMAʼU TE FAKAPALE
11, 12. Kotea ʼae neʼe tokoni kia Moisese ke lahi age tona ʼofa ʼae kia Sehova?
11 Neʼe tui mo Moisese ki te ʼu fakapapau ʼa Sehova. Neʼe akoʼi ʼi Esipito ohage he tama ʼaliki. Neʼe mole tali e Moisese ia te malohi pea mo te ʼu koloa koteʼuhi neʼe lahi age tona ʼofa ʼae kia Sehova. Neʼe ina iloʼi ia Sehova ʼuhi ko ʼana matuʼā Hepeleo. Pea neʼe nā akoʼi ki ai ia te fakapapau ʼae neʼe fai e Sehova ke ina fakaʼateaina te kau Hepeleo mai te maʼuli popula pea mo ina foaki age te Kele ʼo Te Fakapapau. (Senesi 13:14, 15; Ekesote 2:5-10) ʼI te lahi ʼo te manatuʼi e Moisese ia te ʼu fakapapau ʼaia, neʼe toe lahi age mo tona ʼofa ʼae kia Sehova.
12 ʼE ui fenei ʼi te Tohi-Tapu pe kotea ʼae neʼe manatu tuʼumaʼu ki ai ia Moisese: “Ko te tui ae nee fakafisi ai leva ia Moisese, i tona lahi, ke fakahigoa ia ko te tama a te ofafine o Falaone; nee ina filifili leva tona fakatagai mo te hahai a te Atua i tana mau fakatemi te fiafia o te agahala; nee sio leva ia ki te matagafua o Kilisito o hage he koloa e lahi age i te u koloa o Esipito, koteuhi nee pipiki [peʼe “tuku fakamamaʼu,” MN] ona mata ki te fakapale.”—Hepeleo 11:24-26.
13. He koʼe neʼe lelei ke manatuʼi tuʼumaʼu e Moisese te ʼu fakapapau ʼa Sehova?
13 Neʼe lagi fakakaukau loloto ia Moisese ki te fakapapau ʼa Sehova ʼo ʼuhiga mo te fakaʼateaina ʼa te kau Hepeleo mai te maʼuli popula. Ohage ko ʼihi ʼu kaugana ʼa Sehova, neʼe toe iloʼi e Moisese ʼe fakaʼateaina anai e Sehova ia te hahaʼi fuli mai te mate. (Sopo 14:14, 15; Hepeleo 11:17-19) Neʼe mahino lelei kia Moisese neʼe lahi te ʼofa ʼo Sehova ki te hahaʼi. Koia ʼae neʼe ʼofa lahi ai ia Moisese kia Sehova pea mo tui malohi kia te ia. Pea neʼe tokoni ki ai ke tauhi kia Sehova ʼi tona maʼuli katoa. (Tetelonome 6:4, 5) Maʼia mo te temi ʼae neʼe fia matehi ai ia ia e Falaone neʼe mole mataku ia Moisese. Neʼe ina iloʼi ʼe fakapale anai ia ia e Sehova ʼi te ka haʼu.—Ekesote 10:28, 29.
KOTOU FAKAKAUKAUʼI IA TE ʼU MEʼA ʼAE KA FAKAHOKO ANAI E TE PULEʼAGA ʼO TE ʼATUA
14. Kotea ʼae ʼe fakakaukauʼi e ʼihi hahaʼi ʼo ʼuhiga mo te ka haʼu?
14 Tokolahi ʼe natou manatu ki te ka haʼu pea ʼe natou fakakaukauʼi ia he ʼu aluʼaga ʼe mole hoko anai. Ohage la, ko ʼihi hahaʼi masisiva ʼe natou moemisi ʼe natou liliu anai ʼo koloaʼia pea ʼe mole natou toe tuʼania ki he meʼa. Kaʼe ʼe ui ʼi te Tohi-Tapu ko te maʼuli ʼi te malama ʼa Satana ʼe fonu tuʼumaʼu anai ʼi te “kinakina mo te masiva.” (Pesalemo 90:10) Peʼe ko ʼihi ʼe natou fakakaukauʼi ʼe feala anai ki he puleʼaga fakatagata ke ina fakatokatoka ia te ʼu fihifihia ʼo te malamanei. Kaʼe ʼe ui ʼi te Tohi-Tapu ʼe gata pe ki te puleʼaga ʼo te ʼAtua ʼe feala ke ina fakahoko ia te faʼahi ʼaia. (Taniela 2:44) Pea tokolahi ʼe natou manatu ʼe mole feala anai ʼi he temi ke fetogi ia te malamanei. Kaʼe ʼe ui ʼi te Tohi-Tapu ʼe fakaʼauha anai e te ʼAtua ia te malama agakovi ʼaeni. (Sofoni 1:18; 1 Soane 2:15-17) Ko natou ʼae ʼe natou fakakaukauʼi ia he ʼu aluʼaga ʼe fakafeagai ki te manatu ʼa Sehova, ʼe natou lotomamahi anai.
15. (1) He koʼe ʼe lelei ke tou fakakaukauʼi te ka haʼu ʼae neʼe fakapapauʼi mai e te ʼAtua? (2) Ko te aluʼaga fea ʼae ʼe kotou loto ke fakahoko?
15 Neʼe fakapapauʼi mai e Sehova ia he Soane 17:3; Gaue 24:15) Kapau ʼe kotou fakakaukauʼi ia te ʼu faʼahi ʼaia, ʼe mole ko he moemisi. ʼE hoko moʼoni anai ia te ʼu aluʼaga ʼaia ʼuhi ko te ʼu moʼoni ʼae ʼe ui ʼi te Tohi-Tapu ʼo ʼuhiga mo te ka haʼu.—Esaia 11:9; 25:8; 33:24; 35:5-7; 65:22.
ka haʼu taulekaleka. Kapau ʼe tou manatu ki te temi ʼaia, ʼe tou logoʼi anai ia he fiafia pea ʼe feala ke tou maʼu ia te lototoʼa ʼae ʼe ʼaoga ke tou haga tauhi kia te ia. ʼE feala koa hakotou fakakaukauʼi ʼe kotou lolotoga fai ia te ʼu meʼa ʼae neʼe fakapapauʼi mai e Sehova, tatau aipe pe ʼe tou maʼu ia te ʼamanaki ʼae ʼi te lagi peʼe ʼi te kele? Kapau ʼe kotou fia maʼuʼuli ʼo heʼe gata ʼi te kele, kotou fakakaukauʼi age muʼa ʼe kotou fakaliliu ia te kele mo ʼokotou kaumeʼa ko he ʼoloto taulekaleka. Ko natou fuli ʼae ʼe natou takitaki ia te gaue ʼaia ʼe tokakaga anai kia koutou. Pea ko natou fuli ʼae ʼi ʼokotou tafaʼaki ʼe natou ʼoʼofa kia Sehova ohage pe ko koutou. ʼE kotou maʼu ia he maʼuli malolō fakasino lelei mo he malohi pea ʼe mole kotou tuʼania ki he meʼa. ʼE kotou fiafia koteʼuhi ʼe kotou fakaʼaogaʼi ʼokotou fealagia mo tokotou poto moʼo tokoni ki ʼihi pea mo fakamaʼuhigaʼi ia Sehova. ʼE lagi ʼe kotou toe tokoni ki te hahaʼi ʼae neʼe fakatuʼuake ke natou iloʼi ia Sehova. (KOTOU PALALAU KI TE ALUʼAGA ʼAE ʼE KOTOU LOTO KE HOKO
16, 17. He koʼe ʼe lelei ke tou palalau ki te ka haʼu ʼae neʼe fakapapauʼi mai e Sehova?
16 Moka ʼe tou fakamatala ki ʼotatou tehina mo tuagaʼane pe kotea ʼae ʼe tou loto ke tou fai ʼi te malama foʼou, ʼe tou fetokoniʼaki anai ke tou fakakaukauʼi ia te ka haʼu taulekaleka ʼaia. ʼE mahino ia, ʼe mole tou iloʼi lelei pe kotea ʼae ka tou tahi fai anai. Kaʼe moka tou palalau ʼo ʼuhiga mo te aluʼaga ʼae ʼe tou loto ki ai, ʼe tou fakaha ai ʼe tou tui ki te ʼu fakapapau ʼa Sehova. ʼI tatatou fai ia te faʼahi ʼaia, ʼe tou fefakalotomalohiʼaki anai ke tou haga tauhi kia Sehova ʼi te ʼu temi faigataʼa, ohage ko te fai e te apositolo ko Paulo mo ʼona tehina ʼi Loma.—Loma 1:11, 12.
Mateo 19:27-29) Koia, neʼe feala kia Petelo mo te tahi ʼu tisipulo ke natou fakakaukauʼi ia tanatou kaugā hau mo Sesu ʼi te lagi pea mo tanatou tokoni ki te hahaʼi fakalogo ʼae ʼi te kele ke natou haohaoa.
17 Moka kotou manatu ki te ka haʼu ʼae neʼe fakapapauʼi e Sehova, ʼe veliveli age anai takotou manatu ki ʼokotou fihifihia. ʼI te tahi temi neʼe tuʼania ia Petelo pea neʼe ina ui fenei kia Sesu: “Koeni, kua matou tuku te mea fuli, pea kua matou muli ia koe; kotea ka hoko anai kia matou?” Neʼe loto e Sesu ke manatu ia Petelo pea mo ʼihi tisipulo ki te ʼu meʼa taulekaleka ʼae ʼe feala anai tanatou fai ʼi te ka haʼu. Neʼe ina ui fenei kia natou: “Moka heka anai te Foha o te tagata ki te hekaaga fakahau o tona kololia, ko koutou ae nee mumuli mai ia au e kotou heheka anai i ni hekaaga fakahau e hogofulu ma lua, pea e kotou fakamaaui anai te u faahiga e hogofulu ma lua o Iselaele. Pea ko ia ae e ina tuku anai, o tupu ko toku huafa, ona tehina, mo ona tuagaane, mo tana tamai, mo tana fae, mo tona ohoana, mo ana fanau, mo ona kele, mo ona fale, e ina mau anai te teau, pea e ina toe mau anai te tofiga o te mauli heegata.” (18. He koʼe ʼe lelei ke tou fakakaukauʼi te temi ʼae ka fakahoko ai anai e te ʼAtua ʼana fakapapau?
18 Neʼe tou ako pe kotea ʼae neʼe tokoni ki te ʼu kaugana ʼa Sehova ke malohi ia tanatou tui. Neʼe fakakaukauʼi e Apele ia te fakapapau ʼa Sehova ki he ka haʼu taulekaleka, pea ʼuhi ko tana tui ki te fakapapau ʼaia neʼe ina fakafiafiaʼi ai ia Sehova. Neʼe fakakaukauʼi e Apalahamo ia te temi ʼae neʼe fakahoko moʼoni ai e Sehova tana fakapapau ʼo ʼuhiga mo te “hakoga,” koia neʼe fakalogo ai kia Sehova maʼia pe neʼe faigataʼa. (Senesi 3:15) Neʼe fakaʼamu ia Moisese ki te fakapale ʼae neʼe fakapapauʼi age e Sehova, pea neʼe tokoni ki ai ke ʼofa kia Sehova pea mo nofo agatonu. (Hepeleo 11:26) Moka tou fakakaukauʼi te temi ʼae ka fakahoko fuli anai e Sehova ʼana fakapapau, ʼe liliu anai tatatou tui mo totatou ʼofa ʼae kia Sehova ʼo malohi age. ʼI te alatike ʼae ka hoa mai, ʼe tou vakaʼi anai ia he tahi age aluʼaga ʼe feala ai ke tou fakaʼaogaʼi tatatou fakakaukau.