Diri, siring han Biblia! An pag-antos diri bahin han katuyoan ni Jehova nga Dios para ha mga tawo. Pero nagrebelde an siyahan nga mag-asawa kontra ha pagmando han Dios, ngan ginpili nira nga maghimo hin kalugaringon nga mga suruklan han maopay ngan maraot. Gintalikdan nira an Dios ngan nag-antos hin magraot nga resulta.

 Yana naieksperyensyahan naton an mga epekto han ira maraot nga desisyon. Pero diri gud tikang ha Dios an aton mga pag-antos.

 An Biblia nasiring: “Kon nakakaeksperyensya hin pagsari, waray bisan hin-o nga masiring: ‘Ginsasarihan ako han Dios.’ Kay an Dios diri masasarihan hin magraot nga mga butang ngan diri liwat niya ginsasarihan an bisan hin-o.” (Santiago 1:13) An bisan hin-o puydi mag-antos​—bisan adton gin-uuyonan han Dios.