Ee ammanoos. Nuuni “Ogee, tumainne de7oi tana; ta baggaarappe attin, ooninne ta Aawaakko baanau danddayenna” yaagida Yesuusan ammanoos. (Yohaannisa 14:6) Yesuusi saluwaappe yiidoogaanne wottiyoobi baynna ba deˈuwaa wozo yarshsho oottidi immidoogaa ammanoos. (Maatiyoosa 20:28) A hayqoynne denddoy, an ammaniyoogaa oosuwan bessiyaageeti merinaa deˈuwaa demmanaadan oottees. (Yohaannisa 3:16) Yesuusi saluwan deˈiya Xoossaa Kawotettawu kawo gididi haariiddi deˈiyoogaanne mata wode kumetta saˈawu sarotettaa ehaanaagaakka ammanoos. (Ajjuutaa 11:15) SHin, Yesuusi ‘taappe Aaway darees’ giidoogaakka ammanoos. (Yohaannisa 14:28) Yaatiyo gishshawu, nuuni Yesuusi Ubbaa Danddayiya Xoossa giidi ammanokkonne awu goynnokko.