MAZAMURE 90
Issoy Issuwaa Minttettite
-
1. Yihoowawu aqi awu oottanaadan
Issoy issuwaa minttettiyoode,
Nu siiqoynne dabbotay minnees;
Issippetettan saro doos.
Xoossaa asaa giddon diya siiqoy
Genccanaadan ubbaa maaddees.
Nu gubaaˈee naagettiyo qato,
Yan nu aynne hirggennan doos.
-
2. Bessiya wodiyan haasayo qaalay
Siyiyoode keehi minttettees!
Siiqiyoonne ammanettiyo laggee
Nuna minttettiyaabaa yootees.
Hidootan halchuwan maayiya’saara
Hashiyan oottiyoogee ufayssees!
Issoy issuwaa kaafanawu koyoos,
Metiyaaban ubbaakka maaddoos.
-
3. Yihoowa gallassay matidoogaa
Ammanuwaa ayfiyan beˈiyoode,
Nu ogiyaappe wora beennaadan
Issippe shiiqana koshshees.
Yihoowa’saara issippetettan,
Merˈnawu haggaazanawu koyoos.
Yaakko ammanetti daanaadan,
Issoy issuwaara minettoos.
(Qassi Luq. 22:32; Oos. 14:21, 22; Gal. 6:2; 1 Tas. 5:14 xeella.)