Bollaa Payyatettaa
Geeshsha Maxaafay akkamuwaabaa tamaariyo maxaafa gidenna. SHin, payya gididi deˈanaadan nuna maaddana danddayiya maarati an deˈoosona. Ne bollaa payyatettay yaa loˈˈanaadan maaddana danddayiya, Geeshsha Maxaafay yootiyo amarida maarata beˈa.
NE BOLLAA NAAGA
GEESHSHA MAXAAFAY YOOTIYO MAARAA: “Ba bollaa ixxiya asi mulekka baawa; shin . . . [I] ba bollaa mizeesinne naagees.”—Efisoona 5:29.
HEGEE WOYGIYOOGEE? Geeshsha Maxaafay yootiyo ha maaray nuuni nu bollaa payyatettaa naaganaadan nuna minttettees. Payyatettaara gayttida daro metoy asay deˈiyo deˈuwaa gaasuwan gakkiyoogaa issi xinaatee qonccissees. Hegaa gishshawu, loˈˈobaa dooriyoogee payyatettay yaa loˈˈanaadan oottana danddayees.
NEENI AY OOTTANA DANDDAYAY?
-
Miyoobaa. Bollawu maaddiya qumaa ma; qassi gidiya haattaa uya.
-
Bollaa Mintta. Neeyyo bollay sila woy wolqqaama sahuwaa gaasuwan ne abbee laafa gidikkokka, qassi niyo layttay ay keena gidinkka bollaa minttiyoogee ne payyatettay yaa loˈˈanaadan oottana danddayees. Nena siiqiyaageetinne dottoreti bollaa minttanaadan nena maaddana danddayikkokka, hegan goˈettanawu koshshiyaabaa neeni oottana bessees.
-
Gidiyaagaa Keenaa Xiskka. Daro wodiyawu gidiyaagaa keenaa xiskkenna asay wolqqaama harggiyaa harggana danddayees. Daro asay ba dooriyoobaa gaasuwan gidiyaagaa keenaa xiskkenna. SHin, neeni gidiyaagaa keenaa xiskkiyoogan, kaseegaappe loˈˈo deˈo deˈanawu dooraasa.
IITA MEEZETA AGGA
GEESHSHA MAXAAFAY YOOTIYO MAARAA: “Nu ashuwaanne nu shemppuwaa tunissiya ubbabaappe nu huuphiyaa ane geeshshoos.”—2 Qoronttoosa 7:1.
HEGEE WOYGIYOOGEE? Harggiyawunne hayquwawu waanna gaaso gidiyoogan erettiya sijaaraa mala qohiyaabata goˈettennan aggiyoogan nuuni kaseegaappe payya gididi deˈana danddayoos.
NEENI AY OOTTANA DANDDAYAY? Aggana gallassaa doora. He gallassay gakkanaappe kase, sijaaraanne A oyttanawu goˈettiyoobaa xayssa; qassi hegaara gayttida hara iita meeziyaa agga. Harati hegaa malabaa oottiyo sohota beennaadan naagetta. Maaddiya laggetussi ne kuuyidobaa yoota.
GEESHSHA MAXAAFAY YOOTIYO HARA MAARATA
Ne heeran deˈiya Yihoowa Markkatuura gayttiyoogan issi Geeshsha Maxaafaa ekkana danddayaasa
QOHIYAABAAPPE NAAGETTADA OOTTA.
“Ooratta keettaa keexxiyo wode, xoqqa kaaraappe asi kunddi haiqqin ne oishettennaadan, zemppidi attiyoogaa giigissa.”—ZAARETTIDO WOGAA 22:8.
HANQQUWAA TEQQA.
“Danddayanchcha asaassi gita akeekai de7ees; shin elle hanqqettiya asi ba eeyyatettaa qonccissees.””—LEEMISO 14:29.
LIKKIYAAPPE AATTADA MOOPPA.
“Muussau yaaretiyaageetuura zuppetoppa.”—LEEMISO 23:20.
Hageeta Beˈadii?
BEEGOTTITE!
Ufayssaa Demmiyo Ogiyaa—Payyatettaanne Ufayssan Gencciyoogaa
Nuuni sahettiyoogee ufayttennaadan oottiyaabee?
