Alamiyan haariyageetinne kumetta saˈan deˈiya dirijjiteti sarotettaa ehaana danddayibookkona. Ha wodiyan olay awudeegaappenne aaruwan keehi dariis; Naaˈˈantto Alamiya Olaappe simmin hagaa keena dari erenna. Alamiya asaa qoodaappe oyddantto kushee, hegeekka naaˈˈu biiloone gidiya asay olan qohettida heeran deˈees.

 Asay sarotettay deˈanaadan oottana danddayibeennay aybissee? Geeshsha Maxaafay woygii?

1.  1. Asawu deˈiya eeshshati eti sarotettaa medhdhanawu baaxetennaadan oottoosona. Geeshsha Maxaafay ha wodiyan deˈiya “asati banttana siiqiyaageeta, miishshaa siiqiyaageeta, ceeqettiyaageeta, ayyiyaageeta, . . . geeshshatetti bainnaageeta, . . . sigettennaageeta, . . . banttana naagennaageeta, kehennaageeta, . . . eesotiyaageeta, [qassi] otoruwan sugettiyaageeta” gidanaagaa yootees.—2 Ximootiyoosa 3:2-4.

2.  2. Asay barkka gidin woy haratuura issippe gidin, eta Medhdhida Xoossaa Yihooway a maaddennan bantta metuwa qaarana danddayokkona. Geeshsha Maxaafay asi “ba hemetaa suurissanaagee aawu shene gidennaagaa” yootees.—Ermmaasa 10:23.

3.  3. Wolqqaamanne iita gidida, ‘saˈa ubbaa balettiya’ Seexaanaa Dabloosi ha alamiya haarees. (Ajjuutaa 12:9) “Ha mule sa7aikka xalahe halaqan [haarettido]” keenan olaynne makkalay deˈana.—1 Yohaannisa 5:19.

 Sarotettay deˈanay asay baaxetiyogaana gidennan, Xoossay sarotettaa ehiyogaana gidiyogaa Geeshsha Maxaafay yootees.

•   “Taani intteyyo halchchiyo halchchuwaa taani GODAI erais; hegeenne, intteyyo sintta wodiyaanne ufaissaa immana mala, saro halchchoppe attin, iita halchcho gidenna.”—Ermmaasa 29:11.

 Xoossay he gelido qaalaa waati polanee? “Sarotettaa Xoossai Seexaanaa . . . gaacci qolana.” (Roome 16:20) Geeshsha Maxaafay “Xoossaa Kawotettaa” giyo saluwa kawotettaa baggaara Xoossay kumetta saˈan sarotettay deˈanaadan oottana. (Luqaasa 4:43) He Kawotettaa Kawuwa Yesuus Kiristtoosa haaruwan, asay sarotettan waani deˈanaakko tamaarana.—Isiyaasa 9:6, 7.

•   Gujjada eranawu, “Xoossaa Kawotettay Sinttappe Ay Oottanee?” giya huuphe yohuwa nabbaba.