NAA ZWO TOU SIKWA?
Maṋo A Khumba Ya Limpet
Khumba ya lwanzheni i vhidzwaho limpet i na maṋo o khwaṱhaho vhukuma nga nḓila i songo ḓoweleaho. Maṋo ayo o itwa nga mineraḽa dzo khwaṱhaho dzi vhidzwaho goethite na nga phurotheini thethe.
Humbulani nga ha hezwi: Limpet i na tshithu tshi vhidzwaho radula tshi ngaho lulimi. Lwonolu lulimi lu na maṋo maṱuku vhukuma ane ya a shumisa u hwaya ngao. Enea maṋo a tea u vha e na maanḓa nahone o khwaṱha uri i kone u fhala algae kha matombo u itela u ḽa.
Vhaṱoḓisisi vho shumisa microscope u itela u vhona nḓila ine maṋo a yeneyi khumba a vha na maanḓa ngayo. Vho wana uri maṋo a limpet o khwaṱha u fhira a zwithu zwoṱhe zwe vha vhuya vha ita ṱhoḓisiso khazwo u katela na lubuvhi lwa buvhi. Muṱoḓisisi we a vha o ranga phanḓa tshenetshi tshigwada o amba uri: “Ri tea u lingedza u edzisela nḓila ine maṋo a limpet a shuma ngayo musi ri tshi ita mitshini yashu.”
Vhaṱoḓisisi vha tenda uri zwithu zwo itwaho hu tshi edziswa maṋo a limpet zwi nga shumiswa hu tshi itwa goloi, zwikepe, mabufho na maṋo a si a vhukuma a vhathu.
Inwi ni zwi vhona hani? Naa nḓila ine maṋo a limpet a vha ngayo o sokou bvelela kana o tou sikwa?