Ṱhanzi dza Yehova vha tevhela tsumbo ya Vhukriste ha ḓanani ḽa u thoma ḽa miṅwaha, a vha na phambano vhukati ha vhafunzi na vhathu zwavho. Miraḓo yoṱhe yo lovhedzwaho ndi vhaḓinḓa vho nangiwaho nahone vha shela mulenzhe kha mushumo wa u huwelela na u funza. Ṱhanzi vho dzudzanywa zwivhidzoni zwi re na miraḓo i ṱoḓaho u vha 100. Vhanna vho vhibvaho nga lwa muya tshivhidzoni tshiṅwe na tshiṅwe vha shuma sa “vhahulwane,” kana vhanna vhahulwane. (Tito 1:5) A vha badelwi musi vha tshi ita tshumelo dzavho.