Яқин ҳафталарда баъзи мамлакатларда сайловлар ўтказилади. Одамлар қайси раҳбарни танлаш борасида муҳим қарор чиқаришмоқда.

 Муқаддас Китобда нима дейилган?

 Муқаддас Ёзувларда барча инсоний раҳбарларнинг имконияти чеклангани ҳақида ёзилган.

•   «Умид боғламанг бекларга, нажот беролмайдиган инсон ўғлига. Нафаси узилиши билан, у тупроққа қайтади, ўша куниёқ ўй-фикрлари пучга чиқади». (Забур 146:3, 4)

 Ҳатто энг қобилиятли раҳбарлар бир кун келиб ҳаётдан кўз юмади. Қолаверса, бу раҳбарлар улардан кейин бошқарадиган инсонлар уларнинг яхши ишларини давом эттиришини кафолатлай олмайди. (Воиз 2:18, 19)

 Гап шундаки, Муқаддас Китобга кўра, одамлар ҳеч қачон бир-бирининг устидан бошқармаслиги лозим эди.

•   «Одамга ҳатто ўз қадамларини йўналтириш ваколати берилмаган». (Еремиё 10:23)

 Бугунги кунда ўзи яхши раҳбар борми?

 Муқаддас Ёзувларда айтилишича, Аллоҳ энг қобилиятли ва ишончли Раҳбарни — Исо Масиҳни тайинлаган. (Забур 2:6) У самовий ҳукумат бўлмиш Худо Шоҳлигининг Шоҳидир. (Матто 6:10)

 Исони раҳбарингиз сифатида танлайсизми? Муқаддас Китобда бундай қилиш нега муҳимлиги ҳақида қуйидагича ёзилган:

•   «Ўғилни эъзозланг, акс ҳолда, Аллоҳнинг ғазаби келади, шунда йўлингизда ҳалок бўласиз. Ахир Худонинг қаҳри тез аланга олади. Унда паноҳ топганларнинг бари бахтлидир!» (Забур 2:12)

 Ҳозир қарор чиқаришингизнинг айни вақти. Муқаддас Китобдаги башоратга кўра, Исо 1914 йили Худонинг Шоҳлигида бошқаришни бошлаган ва тез орада бу Шоҳлик барча инсоний ҳукуматларнинг ўрнини эгаллайди. (Дониёр 2:44)

 Исонинг бошқарувини қай йўсин қўллаб-қувватлашингиз мумкинлиги ҳақида кўпроқ билиш учун «Ҳозирдан Худонинг Шоҳлигини қўллаб-қувватланг!» номли мақолани ўқинг.