Ohueli yimue yo ko Vanuatu noke yoku nyula ombala Yolombangi Via Yehova ko Estados Unidos, va popia vati: “Tua sola calua oku nyula o Betele. Otembo yosi tu ka ivaluka epasu liaco. Ci pitãhala 70 kolohulukãi viomanu va siata oku nyula o Betele va kuete ovisimĩlo vimuamue.

Anga hẽ, wa nyula ale o Betele yo ko Estados Unidos? Nda handi kua nyulile, kũlĩha okuti, va ka ku tambula ciwa!

Ombala Yolombangi Via Yehova voluali luosi, ko Brooklyn, Nova York. Nyula kuenda kũlĩha ovina via siata oku lingiwa oco ku sokiyiwe kuenda oku eca ekuatiso kupange woku kunda olondaka viwa voluali luosi. O pondolavo oku nyula ovitumãlo vivali. Ocitumãlo cimue ci tukuiwa hati, “Omanu Vamue va Mbata Onduko ya Yehova”, ci lombolola ulandu wafendeli va Yehova tunde kocita catete toke koloneke vilo. Ocitumãlo cikuavo ci tukuiwa hati, “Embimbiliya Kuenda Onduko ya Suku”, ci lekisa Ambimbiliya alua a tukula onduko yi li kasi ya Suku.

Ocitumãlo Coku Lilongisa Embimbiiya, ko Patterson, Nova York. Kũlĩha olosikola vi lingiwilamo ndeci: Osikola yo Gileada yo Torre de Vigia kuenda Osikola Yocisoko Cakulu vo Betele Lakãi Vavo. O ka mõla olokuadro kuenda olovideo vi lekisa upange u lingiwa voloseketa, ocisoko ci panga alitalatu, Upange Woku Ngalavala/Olovideo, Ocisoko ci Tetulula Ovitangi Lombiali kuenda Oseketa yupange.

Ocitumãlo coku panga kuenda oku tuma alivulu, ko Wallkill, Nova York. Nyula kuenda limbuka ndomo Embimbiliya kuenda alivulu a lombolola ovolandu Embimbiliya a siata oku pangiwa kuenda oku tumiwa kakongelo vo Estados Unidos, ko Caribe kuenda kolonepa vikuavo violuali.

Ko Brooklyn, epasu li lingiwa vowola yimosi; ko Patterson olowola vivali; ko Wallkill li lingiwa vokuenda kueci ci soka owola yimosi lakukutu akũi atatu.

Omanu va songola, vamanji va talavaya voloseketa via litepa vo Betele. Kokuavo, eyi onjila yimue yoku kuatisa kupange wetu woku longisa voluali luosi. Toke kosãi ya Kupemba wo 2014, kua kala eci ci pitãhala olohulukãi 5 komanu va talavaya kovitumãlo viaco vitatu kuenda ci pitahãlla olohulukãi 3.600 va pindisiwa oco va linge upange woku songuila. Apasu aco a lingiwa kueci ci soka 40 kalimi.

Poku nyula ka ci sukila oku feta cimue.

Sio. Omanu valua va nyula okuti Halombangiko Via Yehova. Ci kale Olombangi Via Yehova ale vana okuti Halombangiko via Yehova, va pondola oku nyula kuenda oku kuata elomboloko liwa liupange Wolombangi Via Yehova u lingiwa voluali luosi.

Ukãi umue woko Índia okuti o ukuetavo lia va Musulumanu, wa o Patterson, wa popia hati: “Nda yonguile oku talavaya kulo. Nda pandula calua omo wa lekisi esumbilo kokuange.”

Citava! Omãla va sanjuka calua eci va nyula. John, ulume umue wa nyula o Betele ko Estados Unidos, wa soneha ndoco: “Tunde eci tua nyula o Betele, omãla tua endele lavo ka va liwekapo oku vangula catiamẽla kepasu liaco. Osimbu handi ka tua nyulile, ka va kũlĩhile upange u lingiwa ko Betele pole cilo, va kuete onjongole yoku ka talavaya ko Betele eci va kula.”

Citava. Ko lo Betele viosi voluali va ecelela oku nyula. Oco o kũlĩhe ocitumãlo vi sangiwa, iñila vonepa yokuti, “Oloseketa kuenda Apasu”. Va ka ku tambuli ciwa eci u ka nyula o Betele Yolombangi Via Yehova.