AMAMAKO OKU LAVULULA!
Olombangi Via Yehova Kuenda Ovilunga—Nye Embimbiliya li Popia?
Keteke 27 yosãi ya Susu 2023, omanu valua va ka ivaluka Eteke Liovilunga Voluali Luosi. Ovina vĩvi havio viungangala via pita vokuenda kueci ci pitahãla 75 kanyamo, vi pondola oku ku vetiya oku lipula esunga lieci Suku a ecelela okuti ku pita Ovilunga.
Oco o limbuke eci Embimbiliya li popia, tanga ocipama losapi, “Momo Lie Suku a Ecelela Okuti ku Pita Ovilunga? Momo Lie Suku ka Tatekela Ovilunga?
Va Yudea va tala ohali yalua omo Liovilunga. Valua pokati kavo va pondiwa. Omanu va tiamẽlele kovimunga vikuavo va talisiwavo ohali loku pondiwa vokuenda Kuovilunga. Pokati kavo pa kala Olombangi Via Yehova vina via lambalaliwa omo lioku kolela Kembimbiliya.
Oco o lilongise ovina vikuavo, tanga ocipama losapi, “O que aconteceu com as Testemunhas de Jeová durante o Holocausto?”
“Elavoko limue lio kovaso yoloneke”
Omanu valua va kuete usumba wokuti ku ka pita vali ovilunga. Embimbiliya li lekisa okuti kovaso yoloneke ka ku ka pita vali ovilunga.
“‘Momo nda kũlĩha ciwa ovisimĩlo ndu vu kueteli,’ oco Yehova a popia, ‘ovisimĩlo viombembua okuti, haviohaliko, oco ngece kokuene ekalo liwa kuenda elavoko limue.’” a—Yeremiya 29:11.
Elavoko liaco li ka tẽlisiwa eci Yehova Suku a ka malako evĩho kuenda ovina via siata oku koka ovilunga viaco. Eye ndopo o ka ci tẽlisa:
O ka kundula vana va lingila vakuavo eci cĩvi.—Olosapo 2:22.
O ka sakula vosi va tala ohali.—Esituluilo 21:4.
O ka pindula vosi vana va fa.—Yoano 5:28, 29.
Ove o pondola oku kolela kelavoko li lembeleka Embimbiliya li eca. Limbuka esunga lieci tu ku lalekela oku lilongisa Embimbiliya ocali.
a Yehova oyo onduko ya Suku.—Olosamo 83:18.
Ove o ka ci Sola
ESSENTIAL BIBLE TEACHINGS
Momo Lie Suku a Ecelela Ohali?
Omanu valua va lipula esunga lieci voluali mueyukila evĩho kuenda ohali. Embimbiliya lieca etambululo liasuapo halio li lembeleka.
UTALA WONDAVULULI
Anga hẽ Ohali—Ekangiso li Tunda ku Suku?
Anga hẽ Suku o talavaya lovoveyi ale lovilunga oco a kangise omanu omo liakandu avo?
APULILO A SIATA
Momo Lie Olombangi Via Yehova ka vi Pangela Onepa Kopulitika?
Anga hẽ ovio vi koka ohele kofeka yosi?
APULILO ATAMBULUIWA LEMBIMBILIYA
Pi Ndi Pondola Oku Sanga Elavoko?
Ono yimue ya koleliwa yi pondola oku mioñolola omuenyo wove cilo kuenda oku ku ĩha ekolelo liatiamẽla kovaso yoloneke.
KOKUETU
Pinga Oco o Nyuliwe
Sapeli eci catiamẽla kosapi yimue Yembimbiliya, ale lilongisa ovina vikuavo viatiamẽla Kolombangi Via Yehova.
