Olosamo 49:1-20
Kusongui wolonjimbi. Osamo yomãla va Kora.+
49 Ene amanu vosi, yeveleli ondaka eyi.
Vosi va tunga voluali va yevelele lutate,
2 Ci kaile ava vatito lava vanene,Ci kaile ohuasi ale ohukũi.
3 Omẽla wange muẽle u ka vangula olondunge,Kuenda ovisimĩlo viutima wange+ vi ka lekisa elomboloko.
4 Ndi ka vonguila etũi liange kolusapo;Ndi ka lombolola elumbu liange lohalupa.
5 Momo lie ndi kuatela usumba kotembo yovitangi,+Eci ndi ñualiwa levĩho* lia vana va yongola oku ndi kokela enyõleho?
6 Vana va kolela kovipako viavo,+Kuenda va lipanda lovokuasi avo alua,+
7 Lomue pokati kavo o tẽla oku yovola ukuavoAle oku eca ku Suku ocisembi cimue coku u yovola,+
8 (Ondando yocisembi* comuenyo wavo ya tĩla calua,Okuti ovo lalimue eteke va ka tẽla oku yi feta);
9 Oco eye a kale komuenyo otembo ka yi pui kuenje ka moli eyambo.*+
10 Ovo va mola okuti ndaño muẽle omanu vakualondunge va fa;Eveke lomunu ka kuete olondunge, va kuete esulilo limuamue,+Kuenda va sila vakuavo ovipako viavo.+
11 Onjongole yutima wavo yeyi okuti, olonjo viavo vi kala otembo ka yi pui,Olombalaka viavo vi kala kocitumbulukila locitumbulukila.
Va luka olofeka viavo olonduko viavo.
12 Pole, omunu ndaño okuti wa kemãla, ka kala otembo yalua;+Eye ka velelepo ovinyama vi fa.+
13 Eyi oyo onjila yaveke,+Kuenda ya vana va kuama aveke okuti, va sanjukila olondaka viavo viaño. (Sela)
14 Ovo va nõliwila oku enda Konjembo* ndolomeme via loña kepondelo.
Oku fa ku va songuila;Lomẽle ovo va ka vialiwa la vana+ va suñama.
Ovo va ka nyõleha;+Onjembo*+ yi ka kala onjo yavo okuti, elombe halioko.+
15 Pole, Suku o ka ndi yovola kunene* Wonjembo,*+Momo eye o ka ndi tata. (Sela)
16 Ku ka kuate usumba omo omunu umue wa linga ohuasi,Omo onjo yaye ya posokapo vali,
17 Momo eci eye a fa, ka tẽla oku ambata cimue;+Eposo liaye ka li ka loka laye veyambo.+
18 Momo vokuenda kuomuenyo waye, eye o lipandiya eye muẽle.+
(Omanu va ku pandiya eci o kuata onima yiwa.)+
19 Pole, oku sulako eye o likongela kocitumbulukila ca vakukululu yaye.
Ovo lalimue eteke va ka mola vali ocinyi.
20 Omunu una okuti ka kuete elomboloko, ndaño wa kemãla,+Ka velelepo ovinyama vi fa.
Atosi Pombuelo
^ Lit., “oku lueya.”
^ Ale “eyovo.”
^ Ale “ocitunu.”
^ Okuti, ocitumãlo mu kendiwa omanu va fa.
^ Okuti, ocitumãlo mu kendiwa omanu va fa.
^ Lit., “peka.”
^ Okuti, ocitumãlo mu kendiwa omanu va fa.
