Kuatisa olonjeveleli oku li kũlĩhĩsa ovo muẽle. Linga apulilo a vetiya oku sokolola oco ci kuatise omanu oku kũlĩhĩsa ovisimĩlo viavo.

Vetiya omanu oku linga eci ca sunguluka. Vetiya omanu oku kũlĩhĩsa esunga lieci ovo va siatela oku linga ovina viwa. Va kuatisa oku pamisa ocisola va kuetele Yehova, vamanji kuenda alongiso Embimbiliya. Va kuatisavo oku kapako olondunge vi sangiwa Vembimbiliya. Yuvula oku va pisa. Ku ka va kutise osõi, ale oku va kokela oku livetela evelo. Pole, poku malusula onepa yove, va pamisa kuenda va vetiya oku likolisilako oku linga eci ca sunguluka.

Tiamisila esivayo ku Yehova. Lombolola ndomo alongiso, olonumbi kuenda ovihandeleko Viembimbiliya vi situlula ovituwa via Suku, locisola a tu kuetele. Kuatisa omanu oku sokolola catiamẽla kovisimĩlo via Yehova kuenda oku u sanjuisa.