A haamata ˈi te matahiti 2023, te tiaturi nei tatou e maitai mai te mau mea no tatou e no to tatou utuafare. No te aha tatou e faatupu ai i te hoê tiaturiraa papu no a muri aˈe?

 Te faaite ra te Bibilia i te hoê parau apî oaoa e no te hoê tau poto te mau fifi ta tatou e faaruru ra e e fatata te reira i te hope. Ua papaihia te Bibilia “ei haapiiraa ia tatou e ia noaa atoa te tiaturiraa na roto i te . . . tamahanahanaraa a te mau Papai.”—Roma 15:4.

•   No te ite hau atu â i ta te Bibilia e fafau ra, a taio i te tumu parau “Te hoê tiaturiraa papu no te hoê oraraa maitai aˈe.”

 E au te tiaturiraa i te Bibilia i “te hoê . . . tutau no to tatou ora.” (Hebera 6:19) E nehenehe teie tiaturiraa e tauturu mai ia mau maite, ia faaruru i to tatou mau fifi i teie mahana, ia faaite i te hoê manaˈo maitai e ia ite mai i te oaoa mure ore. Ei hiˈoraa:

•   A hiˈo e nafea te tiaturiraa i te Bibilia i tauturu ai i te hoê taata ia faaea i te inu-hua-raa i te ava. A mataitai i te video Ua tâhiti roa vau i to ˈu oraraa.

•   A hiˈo e nafea te tiaturiraa i te Bibilia e tauturu ai ia tatou ia pohe tei herehia e tatou. A mataitai i te video Tamahanahanaraa no te feia e oto ra.

 Te tiaturi nei e rave rahi taata e tupu mai te mau mea maitai no ratou, aita râ ratou i papu e tupu anei te reira i te hoê mahana. Mea taa ê râ ta te Bibilia e fafau ra. No te aha? No te mea no ǒ mai te mau parau fafau Bibilia i te Atua ra Iehova a o “te ore e nehenehe e haavare.” (Tito 1:2) O Iehova anaˈe te nehenehe e faatupu i teie mau parau fafau atoa, e nehenehe oia e rave “i te mau mea atoa ta ˈna e au.”—Salamo 135:5, 6.

 Te titau nei matou ia fanaˈo atoa outou i te tiaturiraa papu o te Bibilia. E nehenehe outou e haapuai i to outou tiaturiraa i te reira ma te “hiˈopoa maitai . . . i te mau Papai.” (Ohipa 17:11) E nehenehe outou e ite mai i te reira ma te fanaˈo i te hoê haapiiraa Bibilia tamoni ore. A haamata i te matahiti 2023 ma te tapea i te hoê tiaturiraa papu no a muri aˈe!