Ko oi e Fai ne Latou te Loto o Ieova i Aso Nei?
E maua a Molimau a Ieova i te lalolagi kātoa kae o‵mai latou mai telega mo tuu kese‵kese katoa. Se a te mea ne fai ei a te potukau tenei o tino kese‵kese ke ‵kau fakatasi?
Se a te Loto o te Atua?
E manako te Atua ke fai tena loto i te lalolagi kātoa. Se a te loto tenā, kae ko oi e akoako atu ne latou ki nisi tino i aso nei?
AKOAKOGA 1
A Molimau a Ieova ne Vaegā Tino Pefea?
E tokofia a Molimau a Ieova e iloa ne koe? Ne a mea e iloa tonu ne koe e uiga ki a matou?
AKOAKOGA 2
Kaia e Fakaigoa ei Matou ki Molimau a Ieova?
Mafaufau ki pogai e tolu ne fakaaoga ei ne matou a te igoa tenei.
AKOAKOGA 3
Ne Toe Maua Aka Pefea te Munatonu i te Tusi Tapu?
E fakamautinoa aka pefea ne tatou me e tonu eiloa te ‵tou malamalama i mea kolā e akoako mai i te Tusi Tapu?
AKOAKOGA 4
Kaia ne Fakatoka ei ne Matou te New World Translation?
Se a te mea e tu ‵kese ei a te ‵fuliga tenei o te Muna a te Atua?
AKOAKOGA 5
Ne a Mea ka Lavea Atua ne Koe i Fakatasiga Kelisiano a Matou?
E maopoopo fakatasi matou ke sukesuke ki te Tusi Tapu kae fakatau fakamalosi te suā tino ki te suā tino. Ka fia‵fia eiloa matou ke kau mai ki ei!
AKOAKOGA 6
E Aoga Pefea te ‵Kau Fakatasi mo Taina Kelisiano?
E fakamalosi aka ne te Muna a te Atua a fakatasiga Kelisiano. Tauloto ki te auala e mafai ei o maua ne koe a mea aoga mai i vaegā fakatasiga penei.
AKOAKOGA 7
E Fai Pefea a Fakatasiga a Matou?
Kai mafaufau aka eiloa koe me ne a mea e fai i fakatasiga a matou? E mautinoa eiloa me ka ofo koe i te ‵loto o akoakoga mai te Tusi Tapu e mafai o maua ne koe i ei.
AKOAKOGA 8
Kaia e ‵Tau ei o Fai Faka‵lei ‵Tou Gatu mō Fakatasiga?
E mata, e ‵pau fua ki te Atua a gatu e ‵pei tatou ki ei? Tauloto ki fakatakitakiga mai te Tusi Tapu kolā e fakavae ki ei te filifiliga o ‵tou gatu mo teuga.
AKOAKOGA 9
Se a te ‵Toe Auala ‵Lei ke Fakatoka ei mō Fakatasiga?
A te fakatoka mai mua o ‵tou fakatasiga, ka fesoasoani atu ke maua a toe mea aoga mai i ei.
AKOAKOGA 10
Se a te Tapuakiga a Kāiga?
Ke onoono aka ki te auala e mafai ei o fesoasoani atu a te fakatokaga tenei ke fakapilipili atu ki te Atua kae fakamalosi aka foki a fesokotakiga i loto i te kāiga.
AKOAKOGA 11
Kaia e ‵Kau Atu ei Matou ki Fono ‵Lasi?
I tausaga takitasi, e maopoopo fakatolu taimi matou mō maopoopoga fakapito. E aoga pefea ki a koe a maopoopoga konei?
AKOAKOGA 12
E Fakatoka Pefea te Motou Galuega Talai?
E fakaakoako atu matou ki te mea telā ne fai ne Iesu i te taimi ne nofo mai ei a ia i te lalolagi?
AKOAKOGA 13
Se a te Paenia?
E fakamāumāu ne nisi Molimau a itula e 30, 50, io me uke atu i te masina ki te galuega talai. Se a te mea e fakamalosi aka ei latou?
AKOAKOGA 14
Ne a Akoga ne Fakatoka mō Paenia?
Ne a akoakoga fakapito ne fakatoka mō latou kolā e tuku katoatoa olotou taimi ki te galuega talai o te Malo?
AKOAKOGA 15
E Tavini Atu Pefea a Toeaina i te Fakapotopotoga?
A toeaina ko tāgata kolā e ma‵tua ‵lei i te feitu faka-te-agaga kae e fai ne latou te takitakiga i te fakapotopotoga. Ne a fesoasoani e tuku mai ne latou?
AKOAKOGA 16
Se a te Tulaga o Tavini Fesoasoani?
E fesoasoani atu a tavini konei ki te fakateletelega o te fakapotopotoga i se auala tokagamalie. Onoono aka me e aoga pefea te lotou galuega ki tino katoa kolā e ‵kau atu ki ei.
AKOAKOGA 17
E Fesoasoani Mai Pefea a Ovasia Faima‵laga?
Se a te pogai e āsi atu ei a ovasia faima‵laga ki fakapotopotoga? E aoga pefea ki a koe olotou āsiga?
AKOAKOGA 18
E Fesoasoani Atu Pefea Matou ki Motou Taina i Taimi o Fakalavelave?
Kafai e ‵tupu a fakalavelave, e fakatoka fakavave ne matou ke tuku atu a fesoasoani kolā e manakogina mo fakamafanafanaga i te feitu faka-te-agaga ki tino kolā e pokotia. Ne a auala e fai ei a mea konā?
AKOAKOGA 19
Ko oi te Tavini Fakamaoni Kae Poto?
Ne folafola mai ne Iesu me ka ‵tofi aka ne ia se tavini ke tuku mai ne ia a mea‵kai faka-te-agaga i te taimi tonu. E fai pefea te mea tenei
AKOAKOGA 20
Ne a Mea e Aofia i Galuega a te Potukau Pule i Aso Nei?
I te senitenali muamua, ne tavini atu se tamā potukau o toeaina ma‵tua mo apositolo e pelā me se potukau pule mō te fakapotopotoga Kelisiano. Kae e a i aso nei?
AKOAKOGA 21
Se a te Peteli?
A te Peteli se koga tu ‵kese telā e isi sena fakamoemoega tāua ‵ki eiloa. Ke onoono aka ki nisi fakamatalaga e uiga ki tino kolā e tavini atu i konā.
AKOAKOGA 22
Ne a Mea e Fai i se Ofisa Lagolago?
E talia mo te fia‵fia a tino asiasi ke olo atu o mata‵mata i so se ofisa lagolago a matou. E ‵kami atu koe ne matou ke fai penā!
AKOAKOGA 23
E ‵Fuli Kae Tusi Pefea Motou Tusi?
E fakatoka ne matou a tusi i ‵gana e silia atu i te 700. Kaia ne ga‵lue malosi ei matou o fai a mea konā?
AKOAKOGA 24
E Maua Pefea a Tupe ke ‵Lago Atu ki te Motou Galuega i te Lalolagi Kātoa?
Se a te mea e ‵kese ei te motou fakapotopotoga mai nisi lotu i mea tau tupe?
AKOAKOGA 25
Kingdom Hall—Kaia Kae e Faite Foki Pefea?
Kaia e fakaigoa ei motou koga tapuaki ki Kingdom Hall? Ke onoono ki mea e uke atu e uiga ki te auala e fesoasoani atu ei a fale faigofie kae ‵togi mā‵ma konei ki motou fakapotopotoga.
AKOAKOGA 26
E Fesoasoani Atu Pefea Matou i te Tausiga o Motou Kingdom Hall?
E avatu eiloa a tavaega ki te motou Atua māfai e ‵ma kae tausi faka‵lei te Kingdom Hall. Ne a fakatokaga ne fai ke tausi atu ki te Kingdom Hall a te fakapotopotoga?
AKOAKOGA 27
E Aoga Pefea te Fatatusi i te Kingdom Hall ki a Matou?
E mata, e fia fai ne au sukesukega ke momea aka tou malamalama i te Tusi Tapu? Ke āsi atu ki te fatatusi i te Kingdom Hall!
AKOAKOGA 28
Ne a Mea e Mafai o Maua i te Motou Fakatuatusi i te Itaneti?
E mafai o tauloto koe ki mea e uke atu e uiga ki a matou mo motou talitonuga e pelā foki ki tali o au fesili mai te Tusi Tapu.
E Mata, ka Fai ne Koe te Loto o Ieova?
E alofa tonu eiloa a Ieova te Atua ki a koe. E fakaasi atu pefea ne koe tou manakoga ke fakafiafia atu ki a Ia i tou olaga i aso katoa?
