Se a Tau Faka‵tau?
E mata, e mafai o fesoasoani mai te Tusi Tapu ke fai koe mo taugasoa o te Atua?
E TALI‵TONU NISI TINO . . .
me e se mafai o fai latou mo taugasoa o te Atua me mafau‵fau latou i a latou e se ‵ma io me agasala. E fai mai nisi tino me i te Atua e se fia saga mai ki a tatou. Se a tau faka‵tau?
MUNA A TE TUSI TAPU
A te Atua e “pili Tena va fakataugasoa mo te tino fai mea tonu.” (Faataoto 3:32) Kafai e faka‵logo tatou ki te Atua, e mafai o fai tatou mo ana taugasoa.
NE A NISI MEA E MAFAI O TAULOTO NE TATOU MAI TE TUSI TAPU?
E manako te Atua ke fai a ia mo ‵tou Taugasoa.—Iakopo 4:8.
E pelā me se Taugasoa o tatou, e toka te Atua o fesoasoani kae fakamagalo tatou.—Salamo 86:5.
A taugasoa o te Atua e fia‵fia ki mea e fiafia a ia ki ei kae takalia‵lia ki mea e takalialia a ia ki ei.—Loma 12:9.
