Khoti la Votkinskiy ilo lili ku Udmurtian Republic lipelekenge chigamuro chake sonosono apa pa mulandu wa Mubali Sergey Gobozev na Mikhail Potapov. Wakwimira boma pa milandu wachali wandapemphe chilango icho ŵangapika.

1. January 20, 2021

   Ŵamazaza ŵakajulira mulandu Sergey na Mikhail, wakuti ŵakulongozga milimo ya gulu ilo likuchita vinthu vyakofya

2. January 21, 2021

   Nyumba ya Sergey ŵakayisecha. Ŵamazaza ŵakamupoka vinthu vyake nga ni layisensi ya galimoto, vikalata vya galimoto, mafoni, laputopu, alubamu ya vithuzi, na Mabaibolo. Pamanyuma ŵakamukaka Mikhail na kusecha nyumba yake

3. January 22, 2021

   Sergey wakatumika pa jele la panyumba. Mikhail ŵakamusunga dankha mu jele

4. May 18, 2021

   Sergey wakafumiskika pa jele la panyumba na kukanizgika kwenda maulendo ghanyake

5. May 19, 2021

   Mikhail wakafumiskika mu jele umo ŵakamusunganga na kumukanizga kwenda maulendo ghanyake

6. October 7, 2021

   Khoti likamba kutegherezga mulandu wawo

Tili na chigomezgo chose kuti Yehova walutilirenge kovwira Mubali Sergey na Mikhail apo ŵakulutilira kuchita ivyo ŵangafiska kuti ŵakhozge chipulikano chawo pakuŵazga Baibolo na kulomba kwa iyo.—Ŵakolose 2:6, 7.