Mu mwezi wa September na October 2020, ku Nigeria kukalokwa vula yikuru chomene iyo yikapangiska kuti mu vigaŵa vyakupambanapambana maji ghatutuke. Maji ghakututuka agha ghananga chomene minda na katundu munyake. Chachitima ntchakuti mubali withu yumoza wafwa chifukwa cha soka ili. Pasono, ŵapharazgi ŵakujumpha 1,828 ŵasamuka mu nyumba zawo ndipo nyumba pafupifupi 62 za ŵabali ŵithu zanangika.

Ofesi ya munthavi ya Nigeria yapanga Makomiti 7, Ghakovwira Para Kwachitika soka, kuti ghapeleke wovwiri, uku ghakulondezga malango agho ghalipo chifukwa cha muliri wa COVID-19. Ŵalaŵiliri ŵadera pamoza na ŵalara mu mpingo ŵakovwilira lumoza ŵabali na ŵadumbu withu mwakuthupi na mwauzimu wuwo.

Tili na chitima chifukwa ŵanthu ŵanyake ŵafwa chifukwa cha soka ili. Tikumanya kuti Yehova, Chiuta wa chiponosko chithu, walutilirenge kupembuzga na kovwira ŵabali ŵithu panyengo yakusuzga iyi.—Salimo 68:19.