Xana Xikwembu Xi Tirhise Evolution Ku Tumbuluxa Swivumbiwa Swo Hambanahambana?
Nhlamulo ya Bibele
Doo. Bibele yi swi veka erivaleni leswaku Xikwembu xi tumbuluxe vanhu swin’we ni “mixaka” yo hambanahambana ya swiharhi ni swimilana. a (Genesa 1:12, 21, 25, 27; Nhlavutelo 4:11) Yi vula leswaku vanhu va tinxaka hinkwato va huma eka Adamu na Evha, vatswari va hina vo sungula. (Genesa 3:20; 4:1) Bibele a yi yi seketeli mhaka ya leswaku Xikwembu xi tirhise Evolution ku tumbuluxa swivumbiwa swo hambanahambana. Kambe, Bibele a yi kanetani na swona leswi van’wasayense va swi vulaka, swa leswaku ku ni ku hambana exikarhi muxaka wo karhi wa swivumbiwa.
Xana Xikwembu xi tirhise evolution?
Vanhu lava tshembaka leswaku Xikwembu xi tirhise evolution ku tumbuluxa swivumbiwa swo hambanahambana va ni mavonelo yo hambana hi mhaka leyi. Hi ku ya hi Encyclopædia Britannica, sweswo swi seketela mhaka ya leswaku “ku tihundzukela ka swilo i ndlela leyi Xikwembu xi yi tirhiseke ku tumbuluxa swivumbiwa swo hambanahambana.”
Dyondzo ya leswaku Xikwembu xi tirhise evolution ku tumbuluxa swivumbiwa swo hambanahambana yi katsa mavonelo lama landzelaka:
Swivumbiwa hinkwaswo swi huma eka nchumu wun’we lowu a wu ri kona khale swinene.
Xivumbiwa xo karhi xi nga cinca xi va lexi hambaneke ekule ni lexo sungula.
Hi ndlela yo karhi Xikwembu hi xona xi endlaka leswaku ku va ni ku cinca koloko.
Xana Bibele ya pfumelelana na evolution?
Dyondzo ya leswaku Xikwembu xi tirhise evolution ku tumbuluxa swivumbiwa swo hambanahambana yi ringanyeta leswaku rungula ra Bibele eka Genesa leri vulavulaka hi ku tumbuluxa a hi ntiyiso lowu heleleke. Hambiswiritano, Yesu u vule leswaku rungula ra Genesa i matimu lama nga ntiyiso. (Genesa 1:26, 27; 2:18-24; Matewu 19:4-6) Bibele yi vula leswaku loko Yesu a nga si ta emisaveni a a tshama etilweni ni Xikwembu naswona u tirhe na xona ku vumba “swilo hinkwaswo.” (Yohane 1:3) Hikwalaho, dyondzo ya leswaku Xikwembu xi tirhise evolution ku tumbuluxa swivumbiwa swo hambanahambana ya kanetana ni tidyondzo ta Bibele.
Hi nga ku yini hi mhaka ya ku va swimilana ni swiharhi swi kota ku cinca swi fambisana ni ndhawu leyi swi nga eka yona?
Bibele a yi hlamuseli leswaku eka muxaka wo karhi ku nga va ni ku hambana ko tani hi kwihi. Naswona a yi kanetani ni ntiyiso wa leswaku muxaka wo karhi wa swiharhi ni wa swimilana leswi tumbuluxiweke hi Xikwembu swi nga va ni ku hambana loko swi ri karhi swi tswala kumbe loko swi tolovela ndhawu leyintshwa. Hambiswiritano, loko van’wana va vona ku cinca loku swiharhi ni swimilana swi vaka na kona loko swi tolovela ndhawu leyintshwa va ehleketa leswaku i evolution kambe hambiswiritano a ku na vutomi lebyintshwa lebyi vumbekaka.
a Bibele yi tirhisa rito “mixaka” leri nhlamuselo ya rona yi angarhelaka swo tala ku tlula rito “ntlawa” leri tirhisiwaka hi van’wasayense. Mikarhi yo tala leswi van’wasayense va swi vonaka onge i ntlawa lowuntshwa wa Evolution, swi va swi nga ri tano ko va ku hambana loku nga kona eka muxaka wo karhi wa swivumbiwa hilaha Genesa yi vuleke hakona.
U Nga Ha Tsakela
XALAMUKA!
Leswi Vo Tala Va Nga Swi Tiviki Hi Ku Tumbuluxiwa Ka Swilo
Xana rungula ra le Bibeleni ra ku tumbuluxiwa ka swilo ra pfumelelana ni leswi vuriwaka hi sayense?
TIVHIDIYO TA TIDYONDZO TA NKOKA LETI HUMAKA EBIBELENI
Xana Vuako Byi Lo Tumbuluxiwa?
Rungula ra le Bibeleni ra ku vulavula hi ku tumbuluxiwa ka swilo, vo tala a va ri twisisi kahle, van’wana va ehleketa leswaku leswi ri swi vulaka ko va ntsheketo. Xana leswi Bibele yi swi vulaka a swi twisiseki?
VANTSHWA VA VUTISA
Xana Swilo Swi Lo Tumbuluxiwa Kumbe Swi Lo Tiendlekela?—Xiyenge 3: Ha Yini U Fanele U Tshemba Leswaku Swilo Swi Lo Tumbuluxiwa?
Xana u fanele u lwisana ni sayense leswaku u ta tshemba leswaku swilo swi lo tumbuluxiwa?
SWIVUTISO LESWI TALAKA KU VUTISIWA
Xana Timbhoni Ta Yehovha Ta Pfumela Leswaku Misava Yi Tumbuluxiwe Hi Masiku Ya Xiviri Ya Tsevu?
Xana a wu swi tiva leswaku mavonelo yo hlayanyana ya swidyondzeki leswi pfumelaka leswaku misava yi tumbuluxiwe hi masiku ya xiviri ya tsevu ma kanetana ni Bibele?
TIBUKU NI TIBROXARA
Xana Swilo Leswi Hanyaka Swi Lo Tumbuluxiwa?
I swa nkoka leswi u swi pfumelaka malunghana ni masungulo ya vutomi.
MALUNGHANA NA HINA
Kombela Ku Endzeriwa Hi Timbhoni Ta Yehovha
Kombela ku endzeriwa hi Timbhoni ta Yehovha leswaku ti ta dyondza na wena Bibele kumbe u tirhisa progreme ya hina yo dyondza Bibele.