Muntshwa un’wana ni un’wana u fanele a tivutisa xivutiso xa nkoka lexi nge, ‘Xana ndzi ta endla yini hi vutomi bya mina?’ Ehleketisisa kahle hi tipakani leti u tivekeleke tona evuton’wini loko u ri karhi u hlalela vhidiyo leyi, leyi vulavulaka hi Andre ku nga jaha leri langutaneke ni ntlhontlho wo endla xiboho naswona ri ni ku kanakana hileswi ri faneleke ri swi hlawula evuton’wini bya rona. Xana ri ta hlawula pakani yihi? Hi yihi pakani leyi nga ta ri tisela ntsako? Vhidiyo leyi yi tlhela yi va ni xiyenge lexi vantshwa lava humaka ematikweni man’wana va burisanaka naswona swi ta ku pfuna leswaku u sungula ku ehleketisisa kahle.