Esaya 1:1-31
1 Xivono lexi Esaya*+ n’wana wa Amotsi a xi voneke mayelana na Yuda na Yerusalema hi nkarhi wa ku fuma ka Uziya,+ Yohatama,+ Akazi+ na Hezekiya,+ lava a va ri tihosi ta Yuda:+
2 Twana, wena matilo, yingisa wena misava,+Hikuva Yehovha u ri:
“Ndzi kurise vana va majaha ni ku va wundla,+Kambe va ndzi xandzukerile.+
3 Nkuzi yi n’wi tiva kahle loyi a nga yi xava,Ni mbhongolo yi xi tiva kahle xidyelo xa n’wini wa yona;Kambe Vaisrayele a va ndzi tivi,+Vanhu va mina a va twisisi.”
4 Khombo eka tiko leri dyohaka,+Vanhu lava hanyaka hi xidyoho,Vanhu lava endlaka swo biha, vana lava onhakeke!
Va fularhele Yehovha;+Va delele Mukwetsimi wa Israyele;Va n’wi fularherile.
5 Hi kwihi kun’wana laha se mi nga ta biwa kona hileswi mi yaka emahlweni mi xandzuka?+
Nhloko hinkwayo ya pandza,Ni mbilu hinkwayo ya vava.+
6 Ku sukela enkondzweni ku ya enhlokweni, a ku na laha ku nga vaviki.
Ku ni timbanga ni swivati ni swilondzaA swi kamiwanga kumbe ku bandichiwa naswona a swi totiwanga mafurha.+
7 Tiko ra n’wina i marhumbi.
Miti ya n’wina yi tshwile.
Valuveri va mi tekele tiko mi va langutile.+
Ri fana ni rhumbi leri hlaseriweke hi vamatiko.+
8 Nhwanyana wa Siyoni u sele ku fana ni nxaxa ensin’wini ya madiriva,Ku fana ni nxaxa ensin’wini ya marhakarhaka,Ku fana ni muti lowu rhendzeriweke.+
9 Loko Yehovha wa mavuthu a a nga ponisanga van’wana va hina,A hi ta va hi fane na Sodoma,Naswona a hi ta va hi fane na Gomora.+
10 Twanani rito ra Yehovha, n’wina vafumi va Sodoma.+
Yingisani nawu* wa Xikwembu xa hina, n’wina vanhu va le Gomora.+
11 Yehovha u ri: “Xana ndzi vuyeriwa hi yini loko mi ndzi endlela magandzelo yo tala?+
Ndzi karhele hi magandzelo ya n’wina yo hisiwa ya makhuna+ ni mafurha ya swifuwo leswi noneke,+Naswona a ndzi yi tsakeli ngati+ ya swinkuzana+ ni ya swinyimpfana ni ya timbuti.+
12 Loko mi ta emahlweni ka mina,+I mani loyi a nga mi byelaLeswaku mi ta, mi ta kandziyela swivava* swa mina?+
13 Tshikani ku tisa magandzelo ya mavele lama nga pfuniki nchumu.
Murhi wa n’wina wo nun’hwela wa ndzi nyenyetsa.+
Mi tlangela ku huma ka n’weti,+ tisavata+ ni ku endla tinhlengeletano+Kambe a ndzi nge swi koti ku tiyiselela ku tirhisiwa ka masalamusi+ etinhlengeletanweni ta n’wina.
14 Ndzi venga mikhuvo ya n’wina yo tlangela ku huma ka n’weti ni mikhuvo leyin’wana ya n’wina.
Swi hundzuke ndzhwalo eka mina;A ndza ha swi koti ku swi tiyiselela.
15 Naswona loko mi tlakusa mavoko ya n’wina,A ndzi mi languti.+
Hambiloko mi khongela ko tala,+A ndzi mi yingisi;+Mavoko ya n’wina ma halate ngati yo tala.+
16 Hlambani mi basa;+Tshikani ku ndzi dyohela;Tshikani ku endla swo biha.+
17 Dyondzani ku endla leswinene, avanyisani hi ndlela leyinene,+Tshinyani loyi a tshikilelaka,Lwelani timfanelo ta n’wana loyi a nga riki na tatana,Mi pfuna noni.”+
18 Yehovha u ri: “Tanani hi ta lulamisa timhaka.+
Hambiloko swidyoho swa n’wina swo va swo tshwuka,Swi ta basisiwa swi fana ni gamboko;+Hambiloko swi tshwuke ku fana ni lapi ro tshwuka,Swi ta fana ni voya byo basa.
19 Loko mi tiyimisele ku yingisa,Mi ta tiphina hi swakudya leswinene swa tiko.+
20 Kambe loko mi nga ndzi yingisi mi tlhela mi ndzi fularhela,Mi ta dlayiwa hi banga,+Hikuva Yehovha u vurile.”
21 Vonani, muti lowu a wu tshembeka+ wu hundzuke nghwavava!+
A wu ri ni vululami;+A wu tshembekile,+Kambe sweswi wu tele hi vadlayi.+
22 Silivhere ya wena a ya ha pfuni nchumu,+Ni byala bya wena byi pfanganisiwe ni mati.
23 Tihosana ta wena ti ome tinhloko naswona ti tirhisana ni makhamba.+
Ti rhandza ku xaviwa ni tinyiko.+
A ti va avanyisi kahle vana lava nga riki na vatatana,Ni mhaka ya noni a ti yi tengi.+
24 Hikokwalaho Hosi ya ntiyiso, Yehovha wa mavuthu,Lowa Matimba wa Israyele u ri:
“Aha! Ndzi ta herisa valala va mina,Ndzi ta tirihisela eka valala va mina.+
25 Ndzi ta ku xupula,Ndzi ta ku susa thyaka,Ku fana ni loko vanhu va n’okisa silivhere leswaku va yi basisa.+
26 Ndzi ta vuyisa vaavanyisi va wena ku fana ni le ku sunguleniNi vatsundzuxi va wena ku fana ni le ku sunguleni.+
Endzhaku ka sweswo u ta vitaniwa Muti wo Lulama, Muti wo Tshembeka.+
27 Siyoni u ta kutsuriwa hi vululami,+Naswona vanhu vakwe lava vuyaka, va ta kutsuriwa hi ndlela leyinene.
28 Lava xandzukaka ni vadyohi va ta herisiwa,+Ni lava tshikaka Yehovha va ta hela.+
29 Hikuva vanhu va ta khomiwa hi tingana hikwalaho ka mirhi leyikulu leyi a mi yi navela,+Naswona mi ta poyileka hikwalaho ka mitanga* leyi mi yi hlawuleke.+
30 Hikuva mi ta fana ni murhi lowukulu lowu matluka ya wona ma vuneke,+Ni ntanga lowu nga riki na mati.
31 Nhenha yi ta fana ni mavivi,Ni ntirho wa yona wu ta fana ni nhlahle;Haswimbirhi swi ta tshwa,A nga kona loyi a nga ta swi timela.”
Tinhlamuselo ta le hansi
^ Leswi vulaka “Yehovha I Muponisi.”
^ Kumbe “xileriso.”
^ Vona Tinhlamuselo.
^ Swi tikomba ku vulavuriwa hi mirhi ni mitanga laha a ku gandzeriwa swifaniso.
