Makani Aantalisyo Aamabbuku Aamu Bbaibbele
Mavidiyo aaya mafwaafwi alaamba makani aali mumabbuku aamu Bbaibbele. Amwaabelesye mavidiyo aaya kutegwa kamukukkomanina kucita ciiyo canu nobeni.
Makani Aantalisyo Aamabbuku Aamu Bbaibbele
Amubone bbuku limwi alimwi mbolitondezya mutwe wamakani aali mu Bbaibbele wakuti, Bwami bweendelezyegwa a Kristo Jesu mbobuyoosalazya zina lya Jehova.
Makani Aantalisyo Aabbuku lya Matalikilo
Bbuku lya Matalikilo lilatwaambila ciindi bantu nobakalengwa alimwi amapenzi alufwu mbozyakatalika.
Makani Aantalisyo Aabbuku lya Kulonga
Leza wakafwutula bana Israyeli kuzwa mubuzike ku Egepita alimwi wakabapa kuba cisi cilyaabide kulinguwe.
Makani aantalisyo aa Bbuku lya Levitiko
Amubone bbuku lya Levitiko mbolikupandulula kusalala kwa Leza alimwi ancociyandika kapati kuti swebo katusalala.
Makani Aantalisyo Aabbuku lya Myeelwe
Amubone mbociyandika kumvwida Jehova mubukkale bwiindene-indene alimwi akutondezya bulemu kuli baabo beendelezya akati kabantu bakwe.
Makani Aantalisyo Aabbuku lya Joshua
Amubone cisi ca Israyeli mbocakazunda alimwi ambobakayaabanya nyika njaakabapa Leza.
Makani Aantalisyo Aabbuku lya Babetesi
Bbuku eeli ilyaamba bukkale bwiindene-indene lipedwe zina lyabaalumi basicamba alimwi basilusyomo Leza mbaakabelesya kuvwuna bana Israyeli kuli basikubadyaaminina.
Makani Aantalisyo Aabbuku lya Rute
Bbuku lya Rute lyaamba zyaluyando lutamani ndwaakatondezya mukamufwu kuli banyinazyala alimwi a Jehova mbwaakabalumbula boonse bobilo.
Makani Aantalisyo Aabbuku lya 1 Samuele
Amubone ciindi Babetesi nobakaleka kubelesyegwa mu Israyeli yansiku ambocakatalika ciindi cakulelwa abami.
Makani Aantalisyo Aabbuku lya 2 Samuele
Amubone kusyomeka akulicesya kwa Davida mbozyakapa kuti abe muntu uuyandwa alimwi uuzyibidwe kapati akati kabantu baambidwe mu Bbaibbele.
Makani Aantalisyo Aabbuku lya 1 Bami
Amwiiye cisi ca Israyeli mbocakabede zintu nozyakali kabotu mubweendelezi bwa Mwami Solomoni kusikila nocakaandaana akuba amami obilo, nkokuti Israyeli a Juda.
Makani Aantalisyo Aabbuku lya 2 Bami
Amubone luleyo mbolwakaleta mapenzi kubwami bwakunyika bwa Israyeli, alimwi a Jehova mbwaakabalongezya aabo bakali kumukomba cakumaninina.
Majwi Aantalisyo Aabbuku lya 1 Makani
Amubone mulongo wa Davida alimwi abuumi bwakwe kali Mwami uuyoowa Leza kuzwa ciindi naakananikwa kuba mwami kusikila naakafwa.
Makani Aantalisyo Aabbuku lya 2 Makani
Amubone makani aaya aakaindi aabami bamu Juda, mbwaatondezya mbociyandika kapati kusyomeka kuli Leza.
Makani Aantalisyo Aabbuku lya Ezara
Jehova wakazuzikizya zisyomezyo zyakwe zyakwaangulula bantu bakwe mubuzike ku Babuloni alimwi akubukulusya bukombi bwakasimpe mu Jerusalemu.
Makani Aantalisyo Aabbuku lya Nehemiya
Bbuku lyamu Bbaibbele lya Nehemiya lijisi ziiyo ziyandika kapati kubakombi bakasimpe boonse bamazuba aano.
Makani Aantalisyo Aabbuku lya Esita
Zintu zyakacitika muciindi ca Esita zilayumya lusyomo lwanu munguzu nzyajisi Jehova Leza mazuba aano zyakugwasya bantu bakwe kuliyumya mumasunko.
Makani Aantalisyo Aabbuku lya Jobu
Boonse ibamuyanda Jehova bayoosunkwa. Cibalo ca Jobu citupa lusyomo lwakuti tulakonzya kuzumanana kusyomeka akusumpula bweendelezi bwa Jehova.
Makani Aantalisyo Aabbuku lya Intembauzyo
Bbuku lya Intembauzyo lisumpula bweendelezi bwa Jehova, lilabagwasya akubaumbulizya bantu bamuyanda, alimwi lilaamba Bwami mbobuyoocinca nyika.
Makani Aantalisyo Aabbuku lya Tusimpi
Amujane busolozi bwa Leza kujatikizya bukkale buli boonse mubuumi—kutalikila kumakani aamakwebo kusikila kumakani aamukwasyi.
Makani Aantalisyo Aabbuku lya Mukambausi
Mwami Solomoni ulatondezya zintu ziyandika kapati mubuumi alimwi azintu ziteendelani abusongo bwa Leza.
Makani Aantalisyo Aabbuku lya Lwiimbo lwa Solomoni
Luyando lwini-lwini ndwajisi muna Sulamiwe kumweembezi lwaambwa kuti “mabanga-banga aa Ja.” Nkaambo nzi?
Makani Aantalisyo Aabbuku lya Isaya
Ibbuku lya Isaya lijisi businsimi bukonzya kuyumya lusyomo lwanu muli Jehova mbwali Sikuzuzikizya zisyomezyo alimwi a Leza sikutufwutula.
Makani Aantalisyo Aabbuku lya Jeremiya
Jeremiya wakazumanana kusyomeka mumulimo wakwe nokuba kuti wakajana buyumuyumu. Amubone ziiyo nzyobakonzya kwiiya Banakristo bamazuba aano.
Makani Aantalisyo Aabbuku lya Malilo
Bbuku lya Malilo lyakalembwa amusinsimi Jeremiya, lyaamba makani aabuumba aajatikizya kunyonyoonwa kwa Jerusalemu alimwi litondezya kweempwa mbokusololela kukufwidwa luse a Leza.
Makani Aantalisyo Aabbuku lya Ezekieli
Cakulicesya, Ezekieli wakali kubeleka kufwumbwa mulimo ngwaakapedwe a Leza, tacikwe makani naa muyumu naa pe. Cikozyanyo cakwe cilatugwasya mazuba aano.
Makani Aantalisyo Aabbuku lya Daniele
Daniele abeenzinyina bakazumanana kusyomeka kuli Jehova mubukkale boonse. Cikozyanyo cabo alimwi akuzuzikizyigwa kwabusinsimi zilatugwasya lino, mumazuba aamamanino.
Makani Aantalisyo Aabbuku lya Hosea
Businsimi bwa Hosea bujisi ziiyo ziyandika kapati kulindiswe mazuba aano kujatikizya luse lwa Jehova kuli basizibi ibeempwa alimwi abukombi mbwakkomanina.
Makani Aantalisyo Aabbuku lya Joeli
Musinsimi Joeli wakasinsima kujatikizya buzuba bwa Jehova ibuyoosya alimwi ulaamba ciyandika kutegwa tukafwutuke. Businsimi bwakwe bulayandika cakubindaana lino.
Makani Aantalisyo Aabbuku lya Amosi
Jehova wakamubelesya mwaalumi ooyu uulicesya mumulimo uuyandika kapati. Nziiyo nzi nzyotukonzya kwiiya kucikozyanyo ca Amosi?
Makani Aantalisyo Aabbuku lya Obadiya
Bbuku lya Obadiya ndelifwaafwi kwiinda, mu Magwalo aa Chihebrayo, naa kuti Cizuminano Cakaindi. Ndibbuku lipa bulangizi alimwi ilyaamba zisyomezyo zyakusumpula Bulelo bwa Jehova.
Makani Aantalisyo Aabbuku lya Jona
Musinsimi ooyu wakatambula lulayo, wakauzuzikizya mulimo wakwe, alimwi wakaiya ciiyo cijatikizya luyando lwa Leza lutamani aluse. Izyakamucitikila Jona zilakonzya kumugwasya.
Makani Aantalisyo Aabbuku lya Mika
Businsimi oobu ibwakasololelwa bulakonzya kuyumya lusyomo lwanu lwakuti Jehova uyanda buyo zintu nzyomukonzya kucita alimwi zikonzya kumugwasya.
Makani Aantalisyo Aabbuku lya Nahumu
Businsimi oobu butupa lusyomo lwakuti Jehova lyoonse ulalizuzikizya jwi lyakwe alimwi akuti ulabaumbulizya boonse ibayandaula luumuno akusyoma Bwami bwakwe.
Makani Aantalisyo Aabbuku lya Habakuku
Tulaalusyomo lwakuti Jehova ulizyi ciindi cibotu alimwi anzila mbotu yakufwutula bantu bakwe.
Makani Aantalisyo Aabbuku lya Zefaniya
Nkaambo nzi ncotuteelede kuyeeya kuti buzuba bwa Jehova bwalubeta tabukasiki?
Makani Aantalisyo Aabbuku lya Hagai
Businsimi oobu butondezya mbociyandika kubikka bukombi bwakasimpe mubusena bwakusaanguna.
Makani Aantalisyo Aabbuku lya Zekariya
Zilengaano zinji abusinsimi bwakabayumya-yumya bantu ba Leza kaindi. Businsimi mbubwenya oobu bwazumanana kutukulwaizya kusyoma kuti Jehova ulatugwasya.
Makani Aantalisyo Aabbuku lya Malaki
Ndibbuku lyabusinsimi bujatikizya njiisyo zya Leza zitacinci alimwi akwaamba luse aluyando lwakwe. Kuyungizya waawo, businsimi oobu bulaamba aziiyo zikonzya kutugwasya mazuba aano.
Makani Aantalisyo Aabbuku lya Matayo
Amwiiye twaambo twamasimpe kujatikizya bbuku eeli lyamu Bbaibbele, ilyakusaanguna akati kamabbuku aa Makani Mabotu one.
Makani Aantalisyo Aabbuku lya Marko
Bbuku lya Marko ndelifwaafwi kwiinda mabbuku aamakani mabotu one, lilaamba kujatikizya bulelo bwa Jesu mu Bwami bwa Leza.
Makani Aantalisyo Aabbuku lya Luka
Ino makani nzi aalibedelede ngolijisi bbuku lyamakani mabotu aa Luka?
Makani Aantalisyo Aabbuku lya Johane
Bbuku lya Johane lyaamba luyando ndwaakatondezya Jesu kubantu, cikozyanyo cakwe cakulicesya, abumboni butondezya kuti ngo Mesiya—Imwami wa Bwami bwa Leza.
Makani Aantalisyo Aabbuku lya Milimo ya Baapostolo
Banakristo bakusaanguna bakabeleka canguzu kugwasya bantu kuba basikwiiya muzisi zyoonse. Bbuku lyamu Bbaibbele lya Milimo lilakonzya kumugwasya kuyungizya busungu alimwi aluyandisisyo mumulimo wakukambauka.
Makani Aantalisyo Aabbuku lya Baroma
Busolozi buzwa kuli Leza kujatikizya mbwatasalululi alimwi alusyomo muli Jesu mboluyandika.
Makani Aantalisyo Aabbuku lya 1 Bakorinto
Lugwalo lwa Paulo lulabikkilizya alulayo lwakasololelwa amuuya kujatikizya lukamantano, kusalala mukulilemeka, luyando akusyoma mububuke.
Makani Aantalisyo Aabbuku lya 2 Bakorinto
Jehova, “Leza siluumbulizyo loonse,” ulabayumya akubagwasya babelesi bakwe.
Makani Aantalisyo Aabbuku lya Bagalatiya
Lugwalo Paulo ndwaakalembela ba Galatiya lulabeleka amazuba aano mbubwenya mbolwakali kubeleka kaindi. Lulakonzya kubagwasya Banakristo bakasimpe boonse kuzumanana kusyomeka.
Makani Aantalisyo Aabbuku lya Baefeso
Lugwalo oolu lwakasololelwa lutondezya makanze aa Leza aakuleta luumuno alukamantano kwiinda muli Jesu Kristo.
Makani Aantalisyo Aabbuku lya Bafilipi
Ciindi notuliyumya mumasunko, tukulwaizya bamwi kuliyumya abalo.
Makani Aantalisyo Aabbuku lya Bakolose
Tulakonzya kumukkomanisya Jehova kwiinda mukuzibelesya nzyotwiiya, kulekelelana, alimwi akulemeka cuuno ncajisi Jesu alimwi abweendelezi.
Makani Aantalisyo Aabbuku lya 1 Batesalonika
Andiswe tweelede kupakamana kumuuya, ‘kusinizya zintu zyoonse,’ ‘kupaila cakutaleka,’ akuyumizyanya.
Makani Aantalisyo Aabbuku lya 2 Batesalonika
Paulo wakabalulamika kujatikizya kuboola kwabuzuba bwa Jehova, alimwi akubakulwaizya bakwesu kwiima nji mulusyomo.
Makani Aantalisyo Aabbuku lya 1 Timoteyo
Paulo wakalemba lugwalo lwa 1 Timoteyo kwaamba zintu mbozyeelede kweenda mumbungano akucenjezya kujatikizya njiisyo zyakubeja akuyandisya mali.
Makani Aantalisyo Aabbuku lya 2 Timoteyo
Paulo wakamukulwaizya Timoteyo kuuzuzikizya cakumaninina mulimo wakwe.
Makani Aantalisyo Aabbuku lya Tito
Lugwalo Paulo ndwaakalembela Tito lwaamba mapenzi ngobakajisi bamumbungano zyaku Krete alimwi azyeelelo zyakuba mwaalu.
Makani Aantalisyo Aabbuku lya Filimoni
Lugwalo oolu lufwaafwi lujisi ziiyo zigwasya kujatikizya kulicesya, kuba aluzyalo, alimwi akulekelela.
Makani Aantalisyo Aabbuku lya Bahebrayo
Bukombi bwa Bunakristo buyeeme aazintu zisumpukide kapati kutali amatempele aakapangwa amaanza alimwi azituuzyo zyabanyama.
Makani Aantalisyo Aabbuku lya Jakobo
Jakobo ubelesya zikozyanyo kuyiisya njiisyo zya Bunakristo ziyandika kapati.
Makani Aantalisyo Aabbuku lya 1 Petro
Lugwalo lwakusaanguna lwa Petro lutukulwaizya kuba basungu alimwi akuwaala makatazyo eesu oonse kuli Leza.
Makani Aantalisyo Aabbuku lya 2 Petro
Lugwalo lwabili lwa Petro lutukulwaizya kusyomeka ciindi notulindila majulu mapya anyika mpya.
Makani Aantalisyo Aabbuku lya 1 Johane
Lugwalo lwa Johane lutucenjezya kujatikizya basikulwana Kristo akutugwasya kubona nzyotweelede kuyanda anzyotuteelede kuyanda.
Makani Aantalisyo Aabbuku lya 2 Johane
Lugwalo lwa Johane lwabili lutuyeezya kuzumanana kweenda mukasimpe akucenjelela basilweeno.
Makani Aantalisyo Aabbuku lya 3 Johane
Lugwalo lwatatu lwa johane luyiisya mbociyandika ku Banakristo kuba baabi.
Makani Aantalisyo Aabbuku lya Juda
Juda wakuyubununa nzila nzyobabelesya aabo ibasola kweena akusofwaazya Banakristo.
Makani Aantalisyo Aabbuku lya Ciyubunuzyo
Zilengaano zili mubbuku lya Ciyubunuzyo zitondezya Bwami bwa Leza mbobuyoozuzikizya makanze aakwe kujatikizya bantu alimwi anyika.
Andiza Inga Mwaakkomanina Ayaaya
MABBUKU AMABROSHUWA