SENA CAKALENGWA BUYA?
Micila ya Cinyama Citegwa Octopus Iibeleka Mbuli Janza
Basyaazibwene mumincini basola kupanga kancini nkobakonzya kubelesya bamadokota kunjizya mumubili wamuntu kutegwa basilike bulwazi muciindi cakumwaandula buya. Nzila imwi njobayanda kubelesya kutegwa kabacikonzya kucita boobo, nkwiiya mboibeleka micila yacinyama citegwa octopus.
Amulange-lange: Cinyama eeci cilakonzya kukwela, kujata alimwi akuvwunga zintu kubelesya micila yaco iili lusele, yalo myuuba kucita zintu. Kunze aakwiinyoneka micila, cilakonzya kwiiyumya muzibeela ziindene-indene.
Basyaazibwene basyoma kuti kancini kateteete kabeleka mbuli janza nkobakonzya kunjizya mumubili wamuntu kalakonzya kugwasya mukumana bulwazi bweelela kwaandulwa. Kancini kali boobu kalakonzya kugwasya balwazi ambweni ibayandika kwaandulwa cibeela cipati.
Amubone micila yacinyama eeci mboibeleka
Inzila eeyi yakubelesya kancini kabeleka mbuli janza mubusilisi yazwidilila alimwi ili mukubelesyegwa. Cibeela cimwi cakancini icilampa mamilimita aali 135 cibeleka kunyamuna akujata zyamukati kakunyina kuleta ntenda, mpoonya cimwi cibeleka kusilika. Kweelana a Dr. Tommaso Ranzani, umwi wabaabo ibali mukabunga ikakapanga kancini aaka wakati, “tusyoma kuti nzila eeyi anooli matalikilo buyo aajisi tubeela tusumpukide.”
Kancini kateteete ikabeleka mbuli janza nkobakonzya kunjizya mumubili wamuntu kalakonzya kugwasya mukumana bulwazi bweelela kwaandulwa
Ino muyeeya buti? Sena micila yacinyama citegwa octopus yakasanduka buya naa yakalegwa buya?
Andiza Inga Mwaakkomanina Ayaaya
SINSIMUKA!
Ncaabeleka Malezu Aakakkiti
Nkaambo nzi basayaansi ncobapanga malobboti aajisi ma sensor aaitwa kuti e-whiskers?
SINSIMUKA!
Cibeela Cipa Mumuni Kumunyama Uutegwa Bobtail Squid Waku Hawaii
Munyama ooyu ulalipangila mumuni—pele ikutali kuti kabona naa kubonwa.
SENA CAKALENGWA BUYA?
Mucila Wanswi Iitegwa Seahorse
Inswi iitegwa seahorse ninswi ilaamucila uupangidwe munzila iilibedelede njobakonzya kwiiya nobapanga mincini.