Mumazuba aano aakatazya ciindi zikwati alimwi amikwasyi nozili mubuyumuyumu, sena mulakonzya kukkomana mumukwasyi? Aaya taali makani mauba-uba pe. Pele lugwasyo nkoluli. Nokuba kuti broshuwa eeyi tayaambi makani oonse aajatikizya cikwati, ilatondezya njiisyo zisyomeka zyamu Bbaibbele alimwi anzila zigwasya. Kuti eezyi zyabelesyegwa kabotu, zilakonzya kuyungizya lukkomano mumukwasyi wanu.