Iiyi. Leza ulaandaba abakombi bakwe bachiswa nkaambo Bbayibbele lyaamba kuti: “Jehova uyoomulanganya abulo mpacisilwa.” (Intembauzyo 41:3) Kuti kuchiswa bulwazi butasilikiki, zintu zitatu zitobela zilakonzya kukugwasya:

1.   Komba kuli Leza kuti akupe manguzu aakuti ulisimye. Kuti wachita oobo ulajana “luumuno lwa Leza oolo lwiinda maano oonse” lukonzya kukugwasya kuti utakataazikani loko pe akuti ulisimye.—Bafilipi 4:6, 7.

2.   Ba aamaboneno aalikabotu. Bbayibbele lyaamba kuti: “Moyo uukkomene musamu mubotu uuponya, pele kupengana mumizeezo kupa kuti muntu amaninwe nguzu.” (Tusimpi 17:22) Ba muntu uuseka-seka nkaambo kuchita oobo kulakugwasya kuti utakataazikani loko pe.

3.   Ba aabulangilizi bwakuti Leza uyoozuzikizya zisyomezyo zyakwe. Bulangilizi bulakonzya kupa kuti ubotelwe nikuba kuti uchiswa bulwazi butasilikiki pe. (Baroma 12:12) Bbayibbele lyaamba kuti muchiindi chilikunembo, “taakwe muntu naba omwe uukkala munyika uuyakwaamba kuti: ‘Ndaciswa.’” (Isaya 33:24) Leza uyoomaninsya malwazi madokotela ngibakachilwa kusilika mazubaano. Bantu bachembeede bayooba aamibili iisimide alubo bayooba baniini nkaambo Bbayibbele lyaamba kuti: “Mubili wakwe auteteete kwiinda wamwana; apilukile kumazuba naakacili anguzu zyabukubusi.”—Jobu 33:25.

 Ziba eezi: Nikuba kuti Bakamboni baJehova balizi kuti Jehova ulabagwasya pesi tabaleki pe kuya kuchibbadela kuti bachiswa. (Marko 2:17) Tabasalili bamwi nzila yabusilisi njibeelede kubelesya pesi muntu umwi awumwi ulalisalila nzila njayanda kusilikwaayo.