Nthanthi 22:1-29
22 Nkhanthu kusankha zina lamampha* kuluska chuma chinandi;+Kutumbikika nkhwamampha* kuluska siliva ndi golidi.
2 Munthu wakukhupuka kweniso mukavu ayanana pa fundu yimoza iyi:*
Wosi akupangika ndi Yehova.+
3 Munthu wakuchenje wawona soka ndipu wabisama,Kweni munthu wambula kuziŵa vinandi walutiriya ndipu wakumana ndi masuzgu.*
4 Munthu yo watijiyuyuwa kweniso watopa YehovaWasaniya chuma, unkhankhu ndi umoyu.+
5 Munthowa ya munthu muryarya mwe minga kweniso viŵana,Kweni weyosi yo wawona kuti umoyu waki ngwakuzirwa wajengi navu kutali.+
6 Sambiza mnyamata* nthowa yo watenere kwendamu;+Ndipu chinanga wangakuwa watuwengemu cha.+
7 Munthu wakukhupuka walamuliya mukavu,Ndipu yo wakongola waja kapolu waku yo wamukongoza.+
8 Weyosi yo wamija vinthu vambula urunji wavunengi soka,+Ndipu nthonga ya ukali waki yimalengi.+
9 Munthu yo wapereka ndi mtima wosi* watumbikikengi,Pakuti iyu wagaŵana ndi akavu chakurya chaki.+
10 Dikisa munthu wakunyoza,Ndipu kuyuyuwa kusoŵengi;Mphindanu* kweniso kunyoza vimalengi.
11 Yo watanja mtima wakutowa kweniso yo walongoro umamphaWajengi bwezi la fumu.+
12 Masu ngaku Yehova ngavikiliya kuziŵa vinthu,Kweni Iyu wagadabuwa mazu nga ŵanthu aryarya.+
13 Mulesi wakamba kuti: “Kwe nkharamu kubwalu!
Yindibayiyengi mubalaza la tawuni!”+
14 Milomu ya anthukazi ankharu yabwekabweka* ye nge zenji litali.+
Ndipu munthu yo Yehova wamukana wawiyengemu.
15 Uzereza umangika mumtima mwa mnyamata,*+Kweni nthonga yakumulangiya ndiyu yiwutuzgengemu.+
16 Munthu yo wabiya mukavu kuti wasazgiyeku chuma chaki+Kweniso yo wapereka mphasu ku munthu wakukhupukaWosi akavukengi.
17 Khazaku gutu laku ndipu uvwisiyi mazu nga ŵanthu azeru,+Kuti uŵiki mtima waku pa zeru zangu.+
18 Pakuti ntchinthu chakukondwesa kuti uvisungi mukati mwaku,+Kuti vosi vijengi pamilomu yaku nyengu zosi.+
19 Nditikuchitiska kuti uje wakuziŵa vinthu msanawaleNdi chilatu chakuti umugomezgengi Yehova.
20 Asi ndikukulembe kali,Kuti ndikupaski ulongozgi kweniso kuziŵa vinthu,
21 Kuti ndikusambizi mazu ngauneneska kweniso ngakugomezgeka,Ndi chilatu chakuti ukamukonkhoske vinthu vauneneska yo wakukutuma?
22 Ungamubiyanga cha munthu mukavu chifukwa chakuti ndi mukavu,+Ndipu ungamukandirizganga cha munthu wakusika mumageti nga tawuni,+
23 Pakuti Yehova mweneku ndiyu wayeruzgengi mulandu wawu+Ndipu iyu watongi umoyu wa ŵanthu wo atiŵabiya.
24 Ungayendanga ndi munthu mukali chaPamwenga kuchitiya vinthu limoza ndi munthu yo watanja kukwiya,
25 Kuti uleki kusambira nthowa zakiNdi kujithyiya chiŵana.+
26 Ungajanga cha pakati pa ŵanthu wo akolana manja pakuzomereza phanganu,Wo ajaliya ukaboni ngongoli ya munthu munyaki.+
27 Asani ulivi chakuti uwezi,Bedi laku lo ugonapu litolekengi!
28 Unganderezanga cha chikhomu chakali chakulongo mphakaCho apapi ŵaku akali akuŵika.+
29 Kumbi wamuwona munthu walusu pa ntchitu yaki?
Iyu wamengi pa masu pa mafumu;+Kweni pa masu pa ŵanthu bweka, iyu wamengepu cha.
Mazu Ngam'mphata
^ Mazu ngaki chayingu, “Kulongoreka lisungu.”
^ Pamwenga kuti, “mbiri yamampha.” Mazu ngaki chayingu, “zina.”
^ 2Mazu ngaki chayingu, “akumana pamoza.”
^ Pamwenga kuti, “walangika.”
^ Pamwenga kuti, “mwana; wachinyamata.”
^ Mazu ngaki chayingu, “we ndi jisu lamampha.”
^ Pamwenga kuti, “Kujuliyana milandu.”
^ Pamwenga kuti, “mwana; wachinyamata.”
