Dipesalema 62:1-12
Go mokaedi wa Jeduthune.* Pina ya ga Dafide.
62 Eleruri ke letetse Modimo ke le pelotelele.
Poloko ya me e tswa kwa go ene.+
2 Eleruri, Modimo ke lefika la me le poloko ya me, lefelo la me la botshabelo le le sireletsegileng;*+Ga nkitla ke reketlisiwa thata.+
3 Lo tla tlhasela motho ka lobaka lo lo kae e le gore lo mmolaye?+
Lotlhe fela lo kotsi jaaka lobota lo lo sekameng, lobota lwa maje lo lo tlogang lo wa.*
4 Gonne ba a buisana gore ba mo dige mo maemong a gagwe a a kwa godimo;*Ba itumedisiwa ke go bua maaka.
Ba segofatsa ka melomo ya bone, le fa go ntse jalo mo dipelong tsa bone ba a hutsa.+ (Selah)
5 Eleruri ke letetse Modimo ke le pelotelele+Ka gonne tsholofelo ya me e tswa kwa go ene.+
6 Eleruri, Modimo ke lefika la me le poloko ya me, lefelo la me la botshabelo le le sireletsegileng;Ga nkitla ke reketlisiwa.+
7 Poloko ya me le kgalalelo ya me di ikaegile ka Modimo.
Modimo ke lefika la me le le nonofileng, botshabelo jwa me.+
8 Lona batho, mo ikanyeng ka dinako tsotlhe.
Mo tshololeleng se se mo dipelong tsa lona.+
Modimo ke botshabelo jwa rona.+ (Selah)
9 Bomorwa batho ba tshwana fela le mohemo,Bomorwa batho ke botshabelo jo bo ka se ikanngweng.+
Fa ba beilwe mmogo mo sekaleng, ba motlhofo go feta mohemo.+
10 Lo se ka lwa ikanya bogagapaKgotsa lwa itsietsa ka go baya tsholofelo ya lona mo bonokwaneng.
Fa dikhumo tsa lona di oketsega, lo se ka lwa tlhoma dipelo tsa lona mo go tsone.+
11 Modimo o ne a bua gangwe, mme ka utlwa seno gabedi:
Gore nonofo ke ya Modimo.+
12 Lorato lo lo sa kgaotseng le lone ke lwa gago, Jehofa,+Gonne o duela mongwe le mongwe go ya ka ditiro tsa gagwe.+
Dintlha Tse di Kwa Tlase
^ Bona Ditlhaloso Tsa Mafoko.
^ Kgotsa “kago ya me e e sireletsegileng.”
^ Kgotsa gongwe “Lotlhe fela, jaaka e kete e ne e le lobota lo lo sekameng, lobota lwa maje lo lo tlogang lo wa.”
^ Kgotsa “mo seriting sa gagwe.”
