MARSO 22, 2023| UPDATED: ABRIL 28, 2023
RUSSIA

UPDATE—NAHATULAN ANG KAPATID | “Determinado Akong Gawin Anuman ang Hilingin sa Akin ni Jehova”

I-PLAY

Noong Abril 28, 2023, hinatulan ng Asha City Court of the Chelyabinsk Region si Brother Vadim Fedorov at pinatawan ng anim-na-taóng suspended prison sentence. Hindi siya makukulong sa ngayon.

Profile

Vadim Fedorov

Ipinanganak: 1968 (Rudny, Kazakhstan)

Maikling Impormasyon: Nagtatrabaho bilang isang freight handler

Napangasawa si Lyubov noong 1991. May limang anak sila

Nagustuhan ang pangako ng Bibliya na buhay na walang hanggan. Nabautismuhan silang mag-asawa bilang mga Saksi ni Jehova noong 1993

Personal na mga Komento

Paano ka napatibay ng mga halimbawa ng iba na pinag-usig?

Nakausap ko ang ilan sa mga kapatid na pinag-usig dahil sa pananampalataya. Napatibay nila ako, lalo na nang makausap ko si Brother Nikolay Kuzichkin. Marami siyang iniindang malubhang sakit noong nakakulong siya. Pero kahit may sakit siya at may-edad na, hangang-hanga ako sa kaniya kasi marami siyang kabisadong teksto sa Bibliya. Talagang mahal na mahal niya ang Salita ng Diyos at may malapít siyang kaugnayan kay Jehova. Ipinakita nito sa akin na kahit matanda na tayo, may problema sa kalusugan, o nasa bilangguan, puwede tayong maging malapít na kaibigan ni Jehova. Habang nakikinig ako kay Nikolay, naaalala ko na kay Jehova talaga nanggagaling ang lakas na higit sa karaniwan.

Ano ang naitulong sa iyo ng mahirap na kalagayang ito?

Madalas na padalos-dalos akong magdesisyon. Kaya kung minsan, basta na lang akong nagdedesisyon dahil lang sa emosyon ko. Nakatulong sa akin ang karanasang ito na maging mas matiisin, lalo na kapag kailangan kong maghintay kay Jehova at magpagabay sa kaniya. Determinado akong gawin anuman ang hilingin sa akin ni Jehova.

Gaya ni Vadim, nagtitiwala tayo na pagpapalain at patitibayin ni Jehova ang mga patuloy na umaasa sa kaniya at ‘lumalakad sa kaniyang daan.’—Awit 37:34.

Time Line

Hunyo 11, 2021

Ni-raid ng mga pulis ang mga bahay ni Vadim at ng anak niya, si Andrey
Abril 29, 2022

Sinampahan ng kasong kriminal si Vadim
Disyembre 1, 2022

Nagsimula ang paglilitis

Magugustuhan Mo Rin

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE