Худайың ислеги нәме?
Аллатагала бизиң ер йүзүнде болҗак Җеннетде эбеди яшамагымызы ислейәр!
«Догрудан-да, шейле дурмуш болармыка?» дийип, сизиң сорамагыңыз мүмкин. Мукаддес Язгылара гөрә, бу Худайың Патышалыгы аркалы амала ашар. Аллатагала бу Патышалык ве онуң берҗек берекетлери барада әхли адамларың билмегини ислейәр (Зебур 37:11, 29; Ишая 9:7).
Аллатагала бизиң багтлы болмагымызы ислейәр.
Аладачыл атаның өз чагаларына ягшы затлары ислейши ялы, гөкдәки Атамыз хем бизиң хемише шатланып яшамагымызы ислейәр (Ишая 48:17, 18). Мукаддес Язгыларда: «Худайың ислегини ерине етирен, бакы галар» дийилйәр (1 Яхя 2:17).
Аллатагала берен када-канунлары боюнча яшамагымызы ислейәр.
Мукаддес Язгыларда Худай барада шейле дийилйәр: «Ёдаларындан йөрәр ялы, Ол бизе Өз ёлларыны өвредер» (Ишая 2:2, 3). Аллатагала ер йүзүнде яшаян әхли адамлара ислегини аян этмек үчин, «Өз адына бир халк» дөретди (Ресулларың ишлери 15:14).
Аллатагала агзыбир сежде этмегимизи ислейәр.
Ехова Худая эдйән сеждәмиз бизе бирек-биреги сөймәге хем-де агзыбир болмага көмек эдйәр (Яхя 13:35). Шу гүнлер адамлары Худая агзыбирликде сежде этмәге ким хөвеслендирйәр? Сиз бу сорагың җогабыны шу брошюрадан тапып билерсиңиз.