ናይ የሆዋ መሰኻኽር፡ መጽሓፍ ቅዱስ ክትምሃረሉ እትኽእል ግብራዊ መገዲ ኣዳልዮም ኣለዉ። እዚ መደብ መጽናዕቲ መጽሓፍ ቅዱስ፡ ኣብዚ ዚስዕብ መዳያት ኪሕግዘካ ይኽእል፦

•   ዜሐጕስ ህይወት ኪህልወካ

•   ዓርኪ ኣምላኽ ክትከውን

•   መጽሓፍ ቅዱስ ብዛዕባ መጻኢ ዜተስፍዎ ተስፋታት ክትፈልጥ

ኣብዚ ገጽ እዚ

•  ኣብ መጽናዕቲ መጽሓፍ ቅዱስ እንታይ እዩ ዚግበር፧

•  ነዚ መጽናዕቲ እዚ ክኸፍል የድልየኒ ድዩ፧

•  እቲ መጽናዕቲ ኽንደይ እዩ ዚወስድ፧

•  ብኸመይ ክጅምር እኽእል፧

•  ነቲ መጽናዕቲ ቕድም ክፍትኖ እኽእል ድየ፧

•  መጽናዕቲ መጽሓፍ ቅዱስ ክገብር እንተ ጀሚረ፡ ናይ የሆዋ ምስክር ክኸውን እግደድ ድየ፧

•  ናይ ርእሰይ ትርጉም መጽሓፍ ቅዱስ ክጥቀም እኽእልዶ፧

•  ኣብቲ መጽናዕቲ ንኻልኦት ክዕድም እኽእልዶ፧

•  ኣብ ሕሉፍ ምስ ናይ የሆዋ መሰኻኽር ኣጽኒዐ እንተ ነይረ፡ ሕጂ ዳግም ከጽንዕ እኽእልዶ፧

•  ብዘይ መምህር ዚውሃብ መደብ መጽናዕቲ መጽሓፍ ቅዱስ ኣሎኩምዶ፧

 ሓደ ብውልቂ ዚምህረካ መምህር በብርእሰ ነገር ገይሩ መጽሓፍ ቅዱስ ኪምህረካ እዩ። በቲ ንዘለኣለም ብህይወት ንበር! ኣብ ዘርእስታ ጽሕፍቲ ዘሎ ኣሳታፊ ትምህርቲ መጽሓፍ ቅዱስ ገይሩ፡ በብደረጃኡ መልእኽቲ መጽሓፍ ቅዱስ እንታይ ምዃኑን ብኸመይ ከም ዚሕግዘካን ኪምህረካ እዩ። ብዛዕባ እዚ ብዝያዳ ንምፍላጥ፡ ነዛ ቪድዮ ርኣያ።

 ኣይፋልን። ናይ የሆዋ መሰኻኽር ነቲ የሱስ ንደቀ መዛሙርቱ፡ “ብናጻ ተቐቢልኩም ኢኹም እሞ፡ ብናጻ ሃቡ” ኢሉ ዝሃቦም መምርሒ እዮም ዚስዕቡ። (ማቴዎስ 10:8) ብተወሳኺ፡ እቲ ንትምህርቲ ዜድሊ ንዋት፡ እንተላይ መጽሓፍ ቅዱስ ኰነ እታ ንዘለኣለም ብህይወት ንበር! ዘርእስታ ጽሕፍቲ ብዘይ ክፍሊት እዩ ዚውሃብ።

 ብምሉኡ እቲ ትምህርቲ፡ 60 ትምህርትታት ዝሓቘፈ እዩ። ነቲ ትምህርቲ እትሽፍነሉ ፍጥነት ኣባኻ እዩ ዚምርኰስ። ብዙሓት ተምሃሮ፡ ኣብ ሰሙን ሓደ ወይ ካብኡ ንላዕሊ ትምህርትታት ይሽፍኑ እዮም።

1.  1. ኣብ ኢንተርነት ዚርከብ ፎርም ምላእ። ነቲ ኣብቲ ፎርም እትመልኦ ብሕታዊ ሓበሬታ፡ ሓደ ናይ የሆዋ ምስክር ንዓኻ ምእንቲ ኺረኽበካ ጥራይ ኢና ኽንጥቀመሉ።

2.  2. ሓደ መምህር ኪረኽበካ እዩ። እቲ መምህርካ ኣብቲ ኣሳታፊ ትምህርቲ መጽሓፍ ቅዱስ እንታይ ከም ዘሎ ኺገልጸልካ፡ ዘሎካ ዘበለ ሕቶታት ከኣ ኪምልሰልካ እዩ።

3.  3. ንስኻን መምህርካን ንመጽናዕቲ ዚኸውን መደባት ክትገብሩ ትኽእሉ ኢኹም። እቲ መጽናዕቲ ብኣካል፡ ብተሌፎን፡ ብቪድዮ ኮንፈረንስ፡ ብደብዳበ፡ ወይ ብኢመይል ኪግበር ይከኣል እዩ። መብዛሕትኡ ግዜ፡ ንውሓት ሓደ መጽናዕቲ ኣስታት ሓደ ሰዓት ኣቢሉ እዩ ዚኸውን፣ ከከም መደብካ ግና ኪሓጽር ወይ ኪነውሕ ይኽእል እዩ።

 እወ። ከምኡ ንምግባር፡ ነቲ ኣብ ኢንተርነት ዚርከብ ፎርም ምላእ። ምስ ሓደ መምህር ምስ ተራኸብካ፡ ነቲ መጽናዕቲ ቕድም ክትፍትኖ ኸም እትደሊ ንገሮ። ንሱ ድማ በታ ሰለስተ መእተዊ ትምህርትታት ዝሓዘት ንዘለኣለም ብህይወት ንበር! ዘርእስታ ብሮሹር ገይሩ ኺምህረካ እዩ፣ በዚ ኸምዚ፡ ነቲ መጽናዕቲ ትፈትዎ እንተ ዄንካ ኽትርኢ ኢኻ።

 ኣይፋልን። ናይ የሆዋ መሰኻኽር ዘበልና ንሰባት ብዛዕባ መጽሓፍ ቅዱስ ምምሃር ንፈቱ እኳ እንተ ዀነና፡ ኣባል ሃይማኖትና ኪዀኑ ግና ንማንም ኣይነገድድን ኢና። ኣብ ክንዳኡስ፡ ነቲ መጽሓፍ ቅዱስ ዚብሎ ንምህር፡ ነፍሲ ወከፍ ሰብ እምነቱ ኺመርጽ መሰል ከም ዘለዎ ኸኣ ንፈልጥ ኢና።—1 ጴጥሮስ 3:15።

 እወ፡ ዝደለኻዮ ትርጉም መጽሓፍ ቅዱስ ክትጥቀም ትኽእል ኢኻ። ነቲ ንጹርን ልክዕን መጽሓፍ ቅዱስ—ትርጉም ሓዳስ ዓለም ንፈትዎ እኳ እንተ ዀንና፡ ብዙሓት ሰባት ግና ዝለመድዎ ትርጉም ኪጥቀሙ ኸም ዚመርጹ ንፈልጥ ኢና።

 እወ። ንብዘለዉ ስድራ ቤትካ ወይ ንዝደለኻዮ ዓርክኻ ኽትዕድም ትኽእል ኢኻ።

 እወ። እዚ መጽናዕቲ እዚ ንህሉው ኵነታት ሰባት ኣብ ግምት ብምእታው ምምሕያሽ ስለ እተገብረሉ፡ ብዝያዳ ኽትፈትዎ ትኽእል ትኸውን። ካብቲ ኣቐዲሙ ዝነበረ መደባት መጽናዕቲ መጽሓፍ ቅዱስ ብዝያዳ ትዕይንታዊ ደገፍ ዘለዎን ብዝያዳ ኣሳታፍን ኰይኑ እዩ ተዳልዩ።

 እወ። መብዛሕትኦም ተምሃሮ ብሓገዝ መምህር እንተ ተማህሩ ዝሓሸ እኳ እንተ ዀነ፡ ገሊኦም ግና ኣብ ፈለማ ባዕሎም ኬጽንዑ እዮም ዚመርጹ። ኣብዚ ወብሳይትና ዘሎ “ናውቲ መጽናዕቲ መጽሓፍ ቅዱስ” ዚብሃል ገጽ፡ ኣብ መጽናዕቲ መጽሓፍ ቅዱስ ኪሕግዘካ ዚኽእል ብናጻ ዚርከብ ናውትን መወከሲታትን ሒዙ ኣሎ። ገለ ኻብቲ ኺሕግዘካ ዚኽእል ናውቲ እንሆ፦

•   ቪድዮታት መጽሓፍ ቅዱስ። እዚ ሓጺር ትምህርትታት ቪድዮ እዚ፡ ንኣገዳሲ መጽሓፍ ቅዱሳዊ ሕቶታት ይምልስ።

•   መልሲ ሕቶታት መጽሓፍ ቅዱስ። እዚ ዓንቀጻት እዚ ንእተፈላለየ ሕቶታት መጽሓፍ ቅዱስ ይምልስ።

•   ትምህርትታት መጽሓፍ ቅዱስ። ኣብዚ ኽፋል እዚ፡ ኣብ ህይወትና ኽንትግብሮ ብዛዕባ እንኽእል ስርዓታት መጽሓፍ ቅዱስ ዚገልጽ ዓንቀጻት ይርከብ።