AISISIAET 8
Kanukinyo Ecamakinitor Edeke Aiticanitoi Keda Nuarokok?
1. Epone bo ani ageunatar nukarokok?
Acamaki Edeke itunga aipuga aojau naepol kanu aitodun ebe mam epedorete alemar atiokisio itunga
Ageuni aronis akwap nalimunio Satan einer lokaisab losodit. Arai Satan emalaika loadolit, konye “mam icasit kotoma abeit.” (Yokana 8:44) Abu kojaikinos ka eipud lo aima naebusakinit Edeke bon. Abu Satan iner nukaisab nejai aberu na sodit. Kosodi aisiner Keba arimar nges kitia Edeke. Kotupak Adam Keba aipalikin Edeke. Nuabu Adam kiswama apotu do koyautu aiticanitoi ka atwanere.—Kosiom Ageun 3:1-6, 19.
Abu Satan kisiner Keba kanu aipalikin Edeke, ajai do nges aitepeg epugae loka Edeke, kwape Loka Apedor kere. Emorikikinos itunga luipu ka Satan ainger Edeke kwape Epugan kec. Kanuagun, erai do Satan ‘loipugat akwap.’—Kosiom Yokana 14:30; 1 Yokana 5:19.
2. Ajaatar isuban luka Edeke aronis?
Edolito aswamisio nuka Edeke kere. Itunga ka imalaikan luesubit Edeke arasi luapedorete arimarit Edeke jokan. (Ikisila 32:4, 5) Asubit Edeke oni kailajara naseun aswam nukajokak arai nukarokok. Ijaikinit oni ailajara ngin arereng naitodun amina wok neijai Edeke.—Kosiom Yakob 1:13-15; 1 Yokana 5:3.
3. Kanukinyo ecamakinitor Edeke aiticanitoi?
Kapak naedit, ecamakinit Yawe aitepegio naka epugae ke. Kanukinyo? Kanu aitodun ebe emamei adiopugan kere naepedori ayaun aiyalama kotunga. (Ekalimonokinan 7:29; 8:9) Ikar 6000 lu atuboros eticautu ebe: Emamei apugan naka itunga naepedori aitinang ijisio, abilibilio naka ikisila, etube lomam edolit, karai bonat adekasinei.—Kosiom Yeremia 10:23; Iromayon 9:17.
Etirianitos apugan itunga kana Edeke, ebuni apugan naka Edeke ayaun ameda nejasi lu ecamunitos nges. (Isaia 48:17, 18) Katipet ebuni Edeke amudiar apugasinei kere nuka Itunga. Itunga lu ecamunitos Edeke kwape epugan kec kesi epote airum akwap.—Isaia 11:9; Kosiom Daniel 2:44.
Kosesen ebidio Kanukinyo Ecamakinitor Edeke Aiticanitoi?
4. Anyoika bo ecamakinit atiting naka Edeke oni aswam?
Ebala Satan ebe emamei idio tunganan lo epedori aijanakin Edeke ketau kere. Ikoto ijo aitepege nukaisab ngun? Ipedori ijo! Etitingikinit Edeke anuok kanu acamakin oni aitodun arai icamunit oni apuganke arai naka itunga. Kitoduni oni aseunet na kopone loka aijar wok.—Kosiom Yob 1:8-12; Awaragasia 27:11.
5. Epone bo ani iseuna oni Edeke kwape Epugan wok?
Akaseununeta wok Itodunete arai ikoto oni Edeke kwape epugan ewok
Ipedori oni aseun Edeke kwape epugan wok kotoma aisisia ka aima nges kotoma abeit naka akirot ke, Ebaibuli. ( Yokana 4:23) Ipedori oni ainger Satan kwape epugan wok arai kisac akirosinei nuka apugan ka ijisio, kwape eswama Yesu.—Kosiom Yokana 17:14.
Itosomai Satan apedor ke kanu aitopolorit aelo ka aswamisio nukarokok. Arai kinac oni aswamisio ngun, eminasi ipapero ka ipajan wok akwenar arai aitepeg oni. (1 Petero 4:3, 4) Ibusakinit oni aseun. Ibuni oni aupa ka Itunga lueminasi Edeke? Ibuni oni arimarit ikekisila luacoa ka luamina? Arai kiswama oni ngun, itoduni oni ebe esabi Satan inera ebe mam oni ipedori aijanakin Edeke kotoma atiokisio.—Kosiom 1 Ikorinton 6:9, 10; 15:33.
Amina naka Edeke itogogongit do ebe epote nukarokok ka aiticanitoi ainang. Ngul luibuaikinete aiyuun kec nejai Edeke ejarete ikar kere akwap.—Kosiom Yokana 3:16.
