లేదు. తమ సభ్యులు వేటివేటికి దూరంగా ఉండాలో చెప్పేందుకు మా సంస్థ ఆయా సినిమాలను, పుస్తకాలను, పాటలను సమీక్షించదు. ఎందుకని?

  తప్పొప్పులను వివేచించగలిగేలా “జ్ఞానేంద్రియాలను” సాధకం చేసుకోమని బైబిలు ప్రతి ఒక్కరినీ ప్రోత్సహిస్తోంది.—హెబ్రీయులు 5:14.

  ఒక క్రైస్తవుడు వినోదాన్ని ఎంచుకునేటప్పుడు పరిగణనలోకి తీసుకోవాల్సిన కొన్ని ప్రాథమిక సూత్రాలు లేఖనాల్లో ఉన్నాయి. a జీవితంలోని మిగతా రంగాల్లోలాగే వినోదం విషయంలో కూడా “ప్రభువుకేది ప్రీతికరమైనదో దానిని పరీక్షించుచు” ఉండాలన్నదే మా ధ్యేయం.—ఎఫెసీయులు 5:10.

  కుటుంబంలో భర్తకు భార్యా పిల్లల మీద కొంత అధికారం ఉందని బైబిలు బోధిస్తుంది కాబట్టి, భర్తలు ఫలానా వినోదం విషయంలో తమ ఇంటివారికి ఆంక్షలు విధించాలని నిర్ణయించుకోవచ్చు. (1 కొరింథీయులు 11:3; ఎఫెసీయులు 6:1-4) అయితే కుటుంబ పరిధిలో కాకుండా ఫలానా సినిమాలు, పాటలు, సంగీతం సంఘంలోని సభ్యులకు తగినవికావంటూ ఆంక్షలు విధించే అధికారం ఎవ్వరికీ లేదు.—గలతీయులు 6:5.