•   “Nirehake ty Chine tie intoy ty taogne ‘fara izay’ ty nafana amparake izay, sady fahatelo amy ty hain-tane tena nimafe.”​—The Guardian, 7 Septambra 2022.

•   “Fagnindime i Afrika zao ro nitrà ty hain-tane mafe hoe izao.”​—UN News, 26 Aogositra 2022.

•   “Tratse ty hain-tane ty an-tsasa’e mahery amy ty faritse i Eropa, sady io varagne ty hain-tane fara izay ty mafe.”​—BBC News, 23 Aogositra 2022.

 Maro ty manam-pahaiagne manombatombagne tie hitohy avao o hain-taneo sady vao mainke hiharaty. Fa midika vao zay tie tsy misy raha azo tamaegne sasa? Inogne ty raha rehafe ty Baiboly?

 Fa naminany o Baibolio tie amy ty androntika, le:

•   “Hisy ... keré amy ty toeragne sambe hafa agne.”​—Lioka 21:11.

 Mateteke o hain-taneo miterake hakeré. Magnatanterake ty faminania ty Baiboly ty fisia o hakerégneo, naho o fijaleagneo vaho o fateo.​—Apokalypsy 6:6, 8.

 Rehafe ty Baiboly ty foto’e mahavy o hain-taneo vao mainke mihamafe. Izao ty rehafe’e:

•   “Tsy namboaregne hivey vatagne o ndatio.”​—Jeremia 10:23.

 Midika zay tie tsy vita o ndatio ty minday ty fiaigna iareo. Ty fanapahan-kevetse raty rambese iareo mateteke ro mahavy o hain-taneo naho ty tsy fisia o ranò.

•   Magneke ty ankamaroa o mpahay siansao tie ty raha atao o ndatio avao mahavy o hain-tane magneran-taneo.

•   Tea vola naho tsy mieretseretse ty hoavi’e o ndatio, le simbae iareo o alao, lotoe iareo o tontolo iaignagneo sady ampiasae iareo amy ty fomba raty o harena voajagnahareo. Izay ty mahavy o ranò tsy hisy.

 Faie ndra tie eo zay, le misy raha fanjaka ampitamae o Baibolio.

 Mampitamà ty Baiboly fa hofoagnan’Andrianagnahare o hain-taneo. Akore ty hanoa’e izay?

1.  1. ‘Haringan’Andrianagnahare ze manimba o taneo.’ (Apokalypsy 11:18) Hofoagna’e ty raha mahavy o hain-taneo. Tsy ino zay fa o ndaty raty fagnahy naho tea vola manimba o tontolo iaignagneò.​—2 Timoty 3:1, 2.

2.  2.  “Hanjare antara itiria o bararatao ty tane kankagne.” (Isaia 35:1, 6, 7) Hofoagnan’Andrianagnahare ty voka-draty o hain-taneo, le hovà’e ho paradisa ty tane misy antikagne toy.

3.  3. “Mikarakara ty tane toy rehe, le atao’o mahavokatse naho tena lonake reke.” (Salamo 65:9) Amy ty hoavy le hahavokatse hanegne sambe karaza’e ty tane toy, sady hisy rano ka.