“Zamani kidogo, hakuna mwenye angeweza kuwazia kama tunaweza kupata vichapo kwa njia ya kielektroniki.” Unakubaliana na ile maneno? Ni maneno yenye Geoffrey Jackson alisema mu hotuba yake ya kutia moyo mu Baraza Lenye Kuongoza​—Ripoti ya 6 ya 2020. Aliendelea kwa kusema hivi: “Na kwa sasa, pengine tunajiuliza kama tungeweza namna gani kupambana na huu ugonjwa wa kuambukiza bila vyombo sawa vile JW Library? Kwa miaka mingi, Yehova ametutayarisha juu tukuwe tayari kupambana na jambo ya hivi.”

 Yehova ametutayarisha vile namna gani? Ni kazi gani ilifanywa juu ya kuanzisha JW Library, na iliomba kufanya nini juu ya kuirekebisha na kuisaidia iendelee kutumika muzuri?

 Mwezi wa 5, 2013, Baraza Yenye Kuongoza iliomba ndugu wenye kusimamia MEPS, ku makao yetu makubwa, wafanye application yenye kuwa na Tafsiri ya Ulimwengu Mupya yenye kurekebishwa. Paul Willies, mwenye anatumika mu idara ya MEPS, anasema hivi: “Kufikia ile wakati, tulikuwa hatuyafanyaka application yoyote. Lakini, tulikutana, tukatia kazi zingine pembeni, na tukatumika pamoya na idara zingine ili kufanya ile application na mambo yenye itakuwa ndani. Tulisali mara mingi, na kwa musaada wa Yehova ile application ilitolewa ku mukutano wa kila mwaka, miezi tano tu kisha!”

 Tatizo ingine ilikuwa kubadilisha ile application juu ikuwe maktaba yenye inaweza kuwa na vichapo mingi mu luga za mingi. Kufikia Mwezi wa 1, 2015, vichapo vyetu mingi vya sasa vilikuwa mu ile application mu luga ya Kiingereza, na kisha tu miezi sita, watu wangeweza kuchukua vile vichapo mu luga za mingi.

 Tangu ile wakati, ndugu zetu wamerekebisha ile application mara mingi juu ya kuongeza video, kutia vichapo vyote na video za mikutano mu sehemu moya, na kusaidia watumiaji waweze kupata referanse za Musaada wa Kutafuta Habari wakati wako mu andiko fulani ya Biblia.

 Kila siku JW Library inafunguliwa ku vyombo milioni 8 na ku vyombo zaidi ya milioni 15 kila mwezi! Nini njo inasaidiaka ile application iendelee kutumika muzuri ku vile vyombo? Ndugu Willies anasema hivi: “Kazi ya kutengeneza application haiishake. Kila mara tunatumika juu ya kuongeza sehemu za mupya na kufanya mutu asikuwe na magumu ya kutumia ile application. Juu mifumo ya kibiashara ya vyombo vya kielektroniki inarekebishwa mara kwa mara, tunapaswa pia kurekebisha ile application mara kwa mara juu iweze kutumika muzuri na ile mifumo. Tunapaswa pia kutunza na kurekebisha programu yenye inaendesha JW Library, juu vichapo na rekodi za mingi zinaendelea kuongezwa ku JW Library.” Kama tunahesabia luga zenye kuwa ku JW Library, kwa sasa kuko vichapo karibu 200 000 na rekodi za kusikiliza na za video zaidi ya 600 000.

 Kusudi JW Library iendelee kubeba vile vitu vyote, inaomba ordinatere za mingi. Inaomba pia kulipia ruhusa ya kutumia programu fulani za ordinatere. Juu ya kulipia programu moya ya ordinatere kwa mwaka inaomba dolare 1 500. Zaidi ya ile, idara ya MEPS inatumiaka dolare 10 000 kila mwaka juu ya kuuza vyombo vya kusaidia ile application iendelee kutumika muzuri ku ordinatere, tablete, na telefone za mupya.

 JW Library imesaidia kupunguza sana makuta yenye inatumiwa juu ya kuchapisha, kufunga pamoya karatasi za vichapo, na kusafirisha vichapo. Fikiria kwa mufano, broshua Tuchunguze Maandiko Kila siku. Mu 2013, tulichapisha kopi karibu milioni 12 za broshua Tuchunguze Maandiko Kila siku. Lakini mu 2020, tulichapisha tu broshua milioni tano hivi, hata kama tulikuwa na wahubiri zaidi ya 700 000 hivi mu dunia yote. Juu ya nini ile badiliko? Juu ndugu na dada wengi wanasoma kwa sasa andiko ya siku ku JW Library. *

 JW Library inatusaidia mu njia mingi. Geneviève, mwenye anaishi Kanada, anaona kama JW Library imemusaidia akuwe najifunza kwa ukawaida zaidi. Anasema hivi: “Kusema kweli, kama inaomba nitie pamoya vitabu vyote vyenye niko navyo lazima juu ya funzo, siwaze kama nitaweza kukuwa najifunza kila asubui. Lakini kupitumia hii application, ninakamataka tu tablete yangu na kila kitu yenye niko nayo lazima iko ndani. Kujifunza kwa ukawaida kumetia nguvu imani yangu na kumefanya nikuwe na hali ya muzuri zaidi ya kiroho.”

 JW Library imekuwa ya lazima sana, zaidi sana mu hii kipindi ya Coronavirus. Charlyn, wa Amerika, anasema hivi: “Vile Coronavirus ilikuwa mu dunia yote, sikupata kichapo yote ya mupya yenye kuchapishwa kwa zaidi ya mwaka moya. Lakini JW Library imetusaidia tulishwe muzuri kiroho, na ninamushukuru Yehova juu ya ule mupango.”

 Wengi wako na mawazo sawa ya Faye, mwenye anaishi Ufilipino, anasema hivi: “Maisha yangu yote na programu yangu ya kiroho, yote iko mu hii application. Njo jambo ya kwanza yenye ninasomaka asubui. Njo yenye ninasikilizaka wakati niko nafanya kazi zingine. Njo yenye ninatumiaka juu ya kutayarisha mikutano. Njo yenye ninatumiaka juu ya kutayarisha habari yenye nitajifunza na mutu mwingine. Ninaangaliaka video ku JW Library wakati sina mambo mingi ya kufanya. Ninasomaka habari fulani ao Biblia mu JW Library wakati niko nachunga mambo fulani. Ni ya maana sana.”

 Ile application iko pia ya maana mu kazi ya kuhubiri. Kwa mufano, wakati alikuwa mu mahubiri, dada moya mu Cameroun alipenda kutumia andiko yenye aliona dada mwingine anatumia kumepita majuma fulani. Lakini, hakukumbuka kwenye ile andiko inapatikana. Anasema hivi: “Jambo ya kufurahisha, nilikumbuka maneno fulani ya ile andiko. Nilifungua JW Library, nikaenda kwenye Biblia na nikatafuta ile maneno. Mara moya, nikapata ile andiko. Kupitia ile application, naweza kupata maandiko mingi yenye wakati fulani nasahawaka.”

 Michango yenye unatoa kwa kutumia njia zenye kuonyeshwa ku donate.isa4310.com imetusaidia kuanzisha, kutunza, na kurekebisha JW library, juu ndugu na dada zetu mu dunia yote waweze kuitumia. Aksanti sana kwa roho yako ya kutoa.

1. Mwezi wa 10, 2013—JW Library inatolewa na iko na Tafsiri ya Ulimwengu Mupya yenye kurekebishwa

2. Mwezi wa 1, 2015—Vichapo vingine vya Kiingereza vinaongezwa, na kisha luga zingine zinaongezwa pia

3. Mwezi wa 11, 2015—Rangi za kutia alama zinaongezwa

4. Mwezi wa 5, 2016—Sehemu ya mikutano inaongezwa

5. Mwezi wa 5, 2017—Sehemu ya kuandikia inaongezwa

6. Mwezi wa 12, 2017—Biblia ya Funzo [mu Kiingereza] inaongezwa

7. Mwezi wa 3, 2019—Inawezekana kuchukua rekodi za kusikiliza, kuangalia video ku site, na kufungula referanse mu Musaada wa Kutafuta Habari

8. Mwezi wa 1, 2021—Sehemu za kusaidia kitabu Furahia Maisha Milele! itumike muzuri zinaongezwa