Yehovah ben blesi Salomo. A ben gi en koni èn a gi en a grani fu bow a tempel. Ma safrisafri Salomo gowe libi Yehovah. Efu yu abi pikin, dan sori den fa sma di ben anbegi falsi gado meki taki Salomo gowe libi Yehovah. A kownukondre ben prati èn ogri kownu ben meki a pipel drai baka gi a tru bribi fu go dini falsi gado. Na a pisi ten disi, sma frufolgu furu fu den profeiti fu Yehovah èn den kiri den. A Kownu-uma Iseibel furu a heri noordsei kownukondre nanga falsi anbegi. A ben de wan muilek ten gi a pipel Israel. Toku yu ben abi sma di ben tan anbegi Yehovah. Kownu Yosafat nanga a profeiti Elia ben de tu fu den sma dati.