Tapu 24 februari 2022, na musudei mamanten, Rosiakondre broko go na ini Ukraini, aladi tiriman fu furu kondre ben pruberi fu no meki a feti disi bigin. Sortu bakapisi a feti disi o abi gi grontapu? Wan tu dei pasa a sekretarsi-generaal fu den Verenigde Naties, António Guterres, ben taki: „A feti disi o pori furu sani èn a o tyari furu problema kon. A o abi bun furu takru bakapisi gi sma na ini Europa, èn na heri grontapu sma no o man libi na ini freide.”

•   Yesus Krestes ben taki na fesi taki wan ten o de te ’a wan pipel ben o go feti nanga a tra pipel, èn a wan kownukondre ben o go feti nanga a tra kownukondre’ (Mateyus 24:7). Leisi na artikel „Wat is het teken van ’de laatste dagen’ of ’de eindtijd’?” dan yu o si na ini taki Bijbel e sori taki Yesus ben taki na fesi fu den feti di e pasa na ini a ten disi.

•   A Bijbel buku Openbaring e taki fu wan sma di ben e sidon na tapu wan „asi di ben redi leki faya” èn di ben „kisi primisi fu meki feti kon na grontapu”. A sani disi e sori taki feti ben o de (Openbaring 6:4). Leisi na artikel „Suma na den fo man na tapu den asi?” fu si san a profeititori disi e taki fu den feti na ini a ten disi.

•   A Bijbel buku Danièl ben taki na fesi dati „a kownu fu noordsei” nanga „a kownu fu zuidsei” ben o strei nanga makandra (Danièl 11:25-45). Luku a felem Fa a profeititori fu Danièl kapitel 11 kon tru? fu si fu san ede wi kan taki dati Rosiakondre nanga den kondre di e horibaka gi en na a kownu fu noordsei. a

•   A buku Openbaring e taki tu fu „a feti na a bigi dei fu Gado na Almaktiwan” (Openbaring 16:14, 16). Ma na ini a feti disi a no kondre o feti nanga makandra soleki fa dati e pasa now. Leisi na artikel „San na a feti fu Armagedon?” fu kon sabi moro fu a feti disi di o feti na ini a ten di e kon.

•   Bijbel e taki dati Gado o „meki feti kon na wan kaba” na ala sei fu grontapu (Psalm 46:9). Leisi na artikel „Echte hoop op betere tijden” fu kon sabi sortu moi howpu Gado e gi wi.

•   Yesus ben leri den bakaman fu en fu begi Gado fu meki a Kownukondre fu en kon (Mateyus 6:9, 10). A Kownukondre dati na wan regering na ini hemel di o meki a wani fu Gado pasa na grontapu. Dati wani taki dati freide o de na heri grontapu. Efu yu wani sabi fa a Kownukondre disi o yepi yu, dan luku a felem San na Gado Kownukondre?

 Moro leki 129.000 Yehovah Kotoigi e tan na ini Ukraini. Neleki ala tra Kotoigi na heri grontapu den e waka na Yesus baka. Dati meki den no e teki sei na ini politiek èn den no e feti tu (Yohanes 18:36). Yehovah Kotoigi na heri grontapu e tan fruteri sma a ’bun nyunsu fu a Kownukondre’ taki a Kownukondre disi o tyari wan kaba kon na ala den problema fu libisma. Dan feti no o de moro (Mateyus 24:14). Wi o breiti efu yu meki kontakt nanga wi fu leri moro fu a moi howpu di Bijbel e gi wi.