Na heri grontapu, sma e firi taki den de den w’wan èn den feni taki den no man de mati nanga trawan. Son sabiman denki taki sma kan feti den firi disi te den e yepi trawan.

•   „Te wi e yepi tra sma di de na nowtu, wi kan firi moro koloku èn a kan yepi wi fu no firi taki wi de wi w’wan èn wi no o abi a firi tu taki wi no man de mati nanga trawan.”​—U.S. National Institutes of Health.

 Bijbel abi moi rai di e sori san wi kan du fu yepi tra sma. Te wi e teki den rai disi, dan disi kan yepi wi fu feti nanga a firi taki wi w’wan de.

 Du sani gi trawan. Suku okasi fu meki ten gi trawan èn luku efu yu kan miti nanga den. Luku fa yu kan prati sani nanga den. Te yu e du dati, dan a kan taki den o warderi disi èn kande yu kan tron wan mati fu den.

•   Bijbel rai: „Abi a gwenti fu gi sma sani, dan sma sa gi unu sani tu.”​—Lukas 6:38.

 Meki ten gi trawan. Suku fasi fu yepi sma di las’ati fu di problema miti den. Yu kan arki den èn sori taki yu e firi gi den, noso yu kan aksi den efu yu kan du wan sani gi den fu lekti a wroko fu den.

•   Bijbel rai: „Wan trutru mati e sori lobi ala ten.”​—Odo 17:17, Contemporary English Version.

 Efu yu wani sabi fa yu kan tan de mati nanga sma, dan leisi na artikel di nen „Suku bun mati”.