A jetuan vërtet kaq gjatë?

Sipas Biblës, Adami jetoi 930 vjet, Seti 912 vjet dhe Metuselahu 969, pra i mbeteshin vetëm 31 vjet që të mbushte mijëshen. (Zanafilla 5:5, 8, 27) A ishin ato vite të gjata sa vitet sot apo ishin periudha më të shkurtra, ndoshta muaj, siç kanë thënë disa?

Dëshmitë që jep Bibla tregojnë se ato vite ishin njësoj sa vitet sot. Mendoni: nëse vitet që përmend Bibla do të ishin sa muajt sot, burrat në vijim do të ishin bërë baballarë në një moshë fare të njomë, gjë që do të ishte e pamundur: Kenani para se të mbushte gjashtë vjeç, Mahalaleli dhe Enoku pak pasi të mbushnin pesë vjeç.​—Zanafilla 5:12, 15, 21.

Për më tepër, njerëzit e lashtë e bënin dallimin midis ditëve, muajve dhe viteve. (Zanafilla 1:14-16; 8:13) Kronologjia e hollësishme e Noesë na ndihmon të përcaktojmë se sa i gjatë ishte një muaj. Një krahasim i Zanafillës 7:11, 24 me Zanafillën 8:3, 4 tregon se pesë muaj, pra nga dita e 17-të e muajit të dytë deri në ditën e 17-të të muajit të shtatë, ishin 150 ditë. Atëherë është e qartë se Noeja i llogariti datat duke pasur si bazë muaj me 30 ditë, dhe 12 muaj të tillë formonin një vit.​—Zanafilla 8:5-13. *

Po si ka mundësi që njerëzit të jetonin 900 vjet a më shumë? Bibla na tregon se Perëndia i bëri njerëzit të jetonin përgjithmonë dhe se mëkati i Adamit i solli papërsosmëri dhe vdekje familjes njerëzore. (Zanafilla 2:17; 3:17-19; Romakëve 5:12) Ata që jetuan para Përmbytjes ishin shumë më afër përsosmërisë sesa ne sot dhe, pa dyshim, ky ishte një faktor kryesor në jetëgjatësinë e tyre. Për shembull, Metuselahu jetoi vetëm shtatë breza pas Adamit.​—Luka 3:37, 38.

Megjithatë, së shpejti, Perëndia Jehova do të zhdukë çdo gjurmë të mëkatit të Adamit te të gjithë ata që tregojnë besim në gjakun e derdhur të Birit të tij, Jezu Krishtit. «Paga që paguan mëkati është vdekja, kurse dhurata që jep Perëndia, është jeta e përhershme me anë të Krishtit Jezu, Zotërisë tonë.» (Romakëve 6:23) Po, po vjen koha kur 969 vitet e Metuselahut do të duken vërtet shumë pak!

[Shënimi]

[Grafiku në faqen 30]

(Për tekstin e kompozuar, shiko botimin)

1000

Metuselahu

Adami

Seti

900

 

 

 

800

 

 

 

700

 

 

 

600

 

 

 

500

 

 

 

400

 

 

 

300

 

 

 

200

 

 

 

100

Jetëgjatësia mesatare sot