RWIYO 152
Nzvimbo Ichaita Kuti Murumbidzwe
(1 Madzimambo 8:27; 1 Makoronike 29:14)
1. Jehovha, Musiki wedenga,
Hamumbokwani mudenga,
Kuzoti pano patavaka—
Asi pane mweya wenyu.
Vanofamba m’chiedza chenyu
Voshongedza nzvimbo ino.
Tinofara kushanda pamwe;
M’nofadzwa tikazvipira.
(BHIRIJI)
Zvese zvatinazvo
Zvakabva kwamuri’mi.
Zvese zvatokupai
Zvakabva kwamuri.
(KORASI)
Totenda zvamatiitira;
Tokuimbirai rwiyo.
Tariro yedu mazadzisa
Nemba ino morumbidzwa.
2. Jehovha, maiziva taida
Nzvimbo inokukudzai
Makwai awane zvokudya,
Kuti abatsire vamwe.
Kuda kwenyu ngakuitwe pano.
Pachine basa riripo,
Timhanyise, tisambomisa
Basa rakapiwa naShe.
(BHIRIJI)
Toda kukupai
Zvakanakisa zvedu.
Ndimi makakodzera—
Makatipa zvese.
(KORASI)
Totenda zvamatiitira;
Tokuimbirai rwiyo.
Tariro yedu mazadzisa
Nemba ino morumbidzwa.
