O le ā Sou Manatu?
Pe e mafai ona fesoasoani le Tusi Paia ina ia avea oe ma uō a le Atua?
E MANATU NISI . . .
e lē mafai ona avea i latou ma uō a le Atua ona e latou te lē mamā ma e agasala. Ua fai mai nisi e lē o manatu mamafa mai le Atua iā i tatou. Ae o le ā sou manatu?
LE MANATU O LE TUSI PAIA
“E mafuta vavalalata atu [le Atua] i ē ua amio saʻo.” (Faataoto 3:32) Pe afai e tatou te usiusitaʻi i le Atua, e mafai ona avea i tatou ma ana uō.
ISI MEA E TATOU TE AʻOAʻOINA MAI I LE TUSI PAIA
E finagalo le Atua e avea o ia ma a tatou Uō.—Iakopo 4:8.
I le avea ai o ia ma a tatou Uō, e nofosauni le Atua e fesoasoani mai ma faamagalo i tatou.—Salamo 86:5.
O uō a le Atua e fiafia i mea e fiafia i ai o ia, ma e inoino i mea e inoino i ai o ia.—Roma 12:9.
