Faatomuaga o Tusi o le Tusi Paia
O nei vitiō pupuu faale-Tusi Paia o loo aumaia ai faamatalaga aogā e faatatau i le siʻomaga ma mea o loo tusia i tusi o le Tusi Paia. Ia faaaogā nei vitiō ina ia faalautele ai lou malamalama i lou faitauina ma le suʻesuʻeina o le Tusi Paia.
Faatomuaga o le Tusi Paia
Mātau pe e faapefea i tusi taʻitasi ona faamatilatila ai le matua autū o le Tusi Paia: o le faasilisilia o le suafa o Ieova lea o le a faataunuuina e ala mai i lona Malo, lea ua pule ai Keriso Iesu.
Faatomuaga o le Tusi o Kenese
O loo taʻua i le tusi o Kenese faamatalaga tāua e faatatau i le talaaga o tagata ma le pogai o mafatiaga ma le oti.
Faatomuaga o le Tusi o Esoto
Na laveaʻia e le Atua tagata Isaraelu mai le nofo pologa i Aikupito, ma avea i latou ma nuu tuuina atu iā te ia.
Faatomuaga o le Tusi o Levitiko
Faapefea ona faamatala i le Levitiko le tulaga paia o le Atua ma pe aiseā e taua ai ona tatou paia.
Faatomuaga o le Tusi o Numera
Mātau le aogā o le usiusitaʻi iā Ieova, ma faaalia le faaaloalo i ē ua ia tofia e taʻimua i ona tagata.
Faatomuaga o le Tusi o Teuteronome
Mātau pe faapefea ona faailoa mai i Tulafono a Ieova na tuuina atu iā Isaraelu, lona alofa tele i ona tagata.
Faatomuaga o le Tusi o Iosua
Mātau le auala na maua ma vaevaeina ai e le nuu o Isaraelu lo latou laueleele mai i le Atua.
Faatomuaga o le Tusi o Faamasino
Na faaigoa lenei tusi i se taʻu na taʻua ai nei tane lototetele ma faatuatua, o ē na faaaogā e Ieova e laveaʻia Isaraelu mai i ē na sauāina i latou.
Faatomuaga o le Tusi o Ruta
O loo faamatala i le tusi o Ruta le auala na faaalia ai e se fafine ua oti lana tane le alofa faamaoni i le tinā o lona toʻalua ua maliu foʻi lana tane, ma le auala na tauia ai i laʻua e Ieova.
Faatomuaga o le Tusi o 1 Samuelu
Ia mātau le suiga i le talafaasolopito o Isaraelu ina ua lē toe faaaogāina Faamasino, ae pulea e tupu.
Faatomuaga o le Tusi o 2 Samuelu
Mātau le auala na avea ai Tavita ma tagata lauiloa ma alofagia i le Tusi Paia, ona o lona lotomaulalo ma lona faatuatua.
Faatomuaga o le Tusi o 1 Tupu
Mātau le taimi na faamanuiaina ma faatamaoaigaina ai Isaraelu i lalo o le pulega a le tupu o Solomona, seʻia oo ina latou fesagaʻia se vaitaimi faigatā ma vaeluaina ai le nuu i malo e lua, o Isaraelu ma Iuta.
Faatomuaga o le Tusi o 2 Tupu
Tagaʻi i le auala na aafia ai le malo o le itu i mātū o Isaraelu ona o ē tetee, ma le auala na faamanuia ai e Ieova i latou na tapuaʻi iā te ia ma le lotoatoa.
Faatomuaga o le Tusi o 1 Nofoaiga a Tupu
O Tavita o se tupu na mataʻu i le Atua. Mātau lona tupuaga ma lona soifuaga mataʻina, mai i le taimi na tofia ai o ia e avea ma tupu o Isaraelu seʻia oo ina maliu.
Faatomuaga o le Tusi o 2 Nofoaiga a Tupu
Mātau pe e faapefea ona faamatilatila mai e le talafaasolopito lenei o tupu o Iuta, le tāua o le faamaoni i le Atua.
Faatomuaga o le Tusi o Esera
Na tausisi Ieova i lana folafolaga e faasaʻoloto ona tagata mai i le ave faapagota i Papelonia, ma toe faafoʻisia le tapuaʻiga moni i Ierusalema.
Faatomuaga o le Tusi o Neemia
O le tusi o le Tusi Paia o Neemia, ua saunia mai ai lesona tāua mo tagata tapuaʻi moni uma i aso nei.
Faatomuaga o le Tusi o Eseta
O mea mataʻina na tutupu i aso o Eseta, o le a faamalosia ai lou faatuatua e iai iā Ieova le Atua le mana, e laveaʻia ai ona tagata mai i faigatā i aso nei.
Faatomuaga o le Tusi o Iopu
O i latou uma e alolofa iā Ieova o le a tofotofoina. O le tala iā Iopu ua mautinoa ai e mafai ona tumau lo tatou faamaoni, ma lagolagoina le pule silisili ese a Ieova.
Faatomuaga o le Tusi o Salamo
O loo lagolagoina e le tusi o Salamo le pule silisili ese o Ieova, fesoasoani ma faamāfanafana i ē e alolofa iā Ieova, ma faailoa mai le auala o le a suia ai le tulaga o le lalolagi e ala i lona Malo.
Faatomuaga o le Tusi o Faataoto
Ia aʻoaʻo e faatatau i le taʻitaʻiga a le Atua i vaega uma o le olaga—mai lava i faiga faapisinisi seʻia oo i mataupu faaleaiga.
Faatomuaga o le Tusi o Failauga
Ua faamatilatila mai e le tupu o Solomona mea e sili ona tāua i le olaga, ma faaeseese mai i mea e feteenaʻi ma le atamai mai i le Atua.
Faatomuaga o le Tusi Pese a Solomona
Ua faamatalaina le alofa moni o le teine Sulami i le leoleo mamoe “o le afi mū saesae a Ioa.” Aiseā?
Faatomuaga o le Tusi o Isaia
E saʻo aʻiaʻi valoaga o le tusi o Isaia lea e mafai ona faamalosia ai lo tatou maufaatuatuaina o Ieova, o Lē e na te faataunuuina folafolaga ma o le Atua o lo tatou faaolataga.
Faatomuaga o le Tusi o Ieremia
Na tumau faamaoni Ieremia i lona faaeaga o se perofeta e ui i faigatā. Ia manatunatu i aogā o lana faaaʻoaʻoga mo Kerisiano i aso nei.
Faatomuaga o le Tusi o Auega
Na tusia e le perofeta o Ieremia, o le tusi o Auega o loo faailoa ai lagona faavauvau ona o le faaumatiaga o Ierusalema ma ua faaalia ai pe faapefea i le faaalia o le salamō ona maua ai le alofa mutimutivale o le Atua.
Faatomuaga o le Tusi o Esekielu
Na lotomaulalo ma lototele Esekielu e faatino so o se tofiga mai le Atua, e tusa lava pe faigatā. O lana faaaʻoaʻoga mataʻina e matuā aogā tele mo i tatou i aso nei.
Faatomuaga o le Tusi o Tanielu
Na tumau ma le faamaoni Tanielu ma ana uō iā Ieova e ui i le tele o tofotofoga. O la latou faaaʻoaʻoga ma le faataunuuina o valoaga, e tatou te maua ai aogā i le taimi lenei ma le taimi o le iʻuga.
Faatomuaga o le Tusi o Hosea
Ua iai i le valoaga na tusia e Hosea ni lesona tāua mo i tatou i aso nei, e faatatau i le alofa mutimutivale o le Atua i tagata fai mea sesē ua salamō moni, ma le ituaiga o tapuaʻiga e na te taliaina.
Faatomuaga o le Tusi o Ioelu
Na valoia mai e Ioelu le “aso o Ieova” ua lata tele mai, ma faailoa mai le auala e mafai ona faasaoina ai. Ua sili atu ona faanatinati i aso nei lana valoaga.
Faatomuaga o le Tusi o Amosa
Na faaaogā e Ieova lenei tane faatauvaa ina ia faataunuu se galuega tāua. O ā ni lesona tāua tatou te aʻoaʻoina mai i le faaaʻoaʻoga a Amosa?
Faatomuaga o le Tusi o Opetaia
O le tusi aupito i puupuu lea i Tusitusiga Paia Eperu. O loo aumaia i le valoaga se faamoemoe ma ua folafola mai ai le faaeaina o le tulaga tautupu o Ieova.
Faatomuaga o le Tusi o Iona
Na talia e le perofeta faasaʻoga, faataunuu lona faaeaga, ma aʻoaʻoina se lesona tāua i le alofa faamaoni ma le alofa mutimutivale o le Atua. O le a pāʻia lou loto i mea na tutupu iā te ia.
Faatomuaga o le Tusi o Mika
O lenei valoaga faagaeeina e faamalosia ai lo tatou mautinoa, e na o mea e aogā ma talafeagai e faafinagaloina mai e Ieova mai iā i tatou.
Faatomuaga o le Tusi o Nauma
O lenei valoaga ua tatou mautinoa ai e faataunuuina e Ieova ana afioga uma, ma saunia mai e ala i lona Malo faamāfanafanaga mo ē o loo saʻilia le filemu ma le faaolataga.
Faatomuaga o le Tusi o Sapakuka
E mafai ona tatou maufaatuatuaina Ieova e na te silafia le taimi talafeagai ma le auala sili e laveaʻi ai ona tagata.
Faatomuaga o le Tusi o Sefanaia
Aiseā e tatau ai ona tatou ʻalofia le manatu e lē oo mai le aso o Ieova?
Faatomuaga o le Tusi o Hakai
O loo faamatilatila mai i le valoaga le tāua o le faamuamua o le tapuaʻiga i le Atua nai lo o tatou manaʻoga.
Faatomuaga o le Tusi o Sakaria
Na faalaeiauina tagata o le Atua i aso ua mavae i le tele o vaaiga ma valoaga faagaeeina. O loo faaauau pea ona faamautinoa mai e nei valoaga, le iai o le lagolagosua a Ieova iā i tatou i aso nei.
Faatomuaga o le Tusi o Malaki
O se valoaga e faatatau i mataupu silisili e lē masuia a Ieova, ma le lē mavae o lona alofa ma lona agalelei. O loo aumaia foʻi i le valoaga ni lesona tāua e fetaui ma o tatou tulaga i aso nei.
Faatomuaga o le Tusi o Mataio
Ia aʻoaʻoina ni upu moni faigofie e faatatau i lenei tusi o le Tusi Paia, o le tusi muamua o Evagelia.
Faatomuaga o le Tusi o Mareko
O le tusi o Mareko e aupito i puupuu nai lo o isi tusi o Evagelia, ma o loo aumaia ai sina ata o le pulega a Iesu i le lumanaʻi o se Tupu o le Malo o le Atua.
Faatomuaga o le Tusi o Luka
O ā faamatalaga e na o le Evagelia lava a Luka o loo faamauina ai?
Faatomuaga o le Tusi o Ioane
O loo faamatilatila i le tusi a Ioane le alofa o Iesu i tagata, lana faaaʻoaʻoga o le lotomaulalo, ma lona tulaga o le Mesia, le Tupu o le Malo o le Atua i le lumanaʻi.
Faatomuaga o le Tusi o Galuega a le ʻAuaposetolo
Na galulue mamafa uluaʻi Kerisiano i le faia o soo i atunuu uma. E mafai ona fesoasoani le tusi o Galuega e faateleina lou maelega ma le aasa i le faiva.
Faatomuaga o le Tusi o Roma
O loo iai taʻiala i le lē faailoga tagata o Ieova ma le tāua o le faaalia o le faatuatua iā Iesu Keriso.
Faatomuaga o le Tusi o 1 Korinito
O loo aofia ai i le tusi a Paulo fautuaga e faatatau i le autasi, mamā tauamio, alofa, ma le toetū.
Faatomuaga o le Tusi o 2 Korinito
E faamāfanafanaina ma faatumauina e Ieova “le Atua o faamāfanafanaga uma” ana auauna.
Faatomuaga o le Tusi o Kalatia
O loo aogā pea le tusi a Paulo i le faapotopotoga i Kalatia i aso nei, e pei lava o le taimi na tusia ai. E mafai ona fesoasoani i Kerisiano moni uma e tumau faamaoni ai.
Faatomuaga o le Tusi o Efeso
O loo faamatilatila mai i lenei tusi faagaeeina le finagalo o le Atua ina ia aumaia le filemu ma le autasi e ala iā Iesu Keriso.
Faatomuaga o le Tusi o Filipi
Pe a tatou tumau i tofotofoga, o le a faalaeiauina ai isi ina ia tumau.
Faatomuaga o le Tusi o Kolose
E mafai ona tatou faafiafiaina Ieova e ala i le faatatau o mea ua tatou aʻoaʻoina, faamagalo atu i isi ma le lotoatoa, ma amanaʻia le tulaga ma le pule a Iesu.
Faatomuaga o le Tusi o 1 Tesalonia
E tatau ona tatou mataala faaleagaga, ‘ia tofotofo i mea uma,’ ‘ia tatalo e lē aunoa,’ ma ia fefaalaeiauaʻi.
Faatomuaga o le Tusi o 2 Tesalonia
Na faasaʻoina e Paulo manatu sesē e faatatau i le oo mai o le aso o Ieova, ma faalaeiau uso ina ia tumau i le faatuatua.
Faatomuaga o le Tusi o 1 Timoteo
Na tusia e le aposetolo o Paulo le tusi o 1 Timoteo e faailoa atu ai i faapotopotoga faatulagaga a le faalapotopotoga, ma lapataʻia i latou i aʻoaʻoga sesē ma le manaʻo tele i tupe.
Faatomuaga o le Tusi o 2 Timoteo
Na faalaeiau e Paulo Timoteo ina ia faataunuu atoatoa lana faiva.
Faatomuaga o le Tusi o Tito
Na faailoa atu i le tusi a Paulo iā Tito faafitauli i faapotopotoga i Kereta, ma agavaa faaleagaga mo toeaina.
Faatomuaga o le Tusi o Filemoni
E puupuu lenei tusi, ae o loo iai lesona aogā e pei o le lotomaulalo, agalelei ma le lotofaamagalo.
Faatomuaga o le Tusi o Eperu
E faavae aʻe le tapuaʻiga a Kerisiano i mea e sili atu ona tāua nai lo o malumalu faaletino ma taulaga i manu.
Faatomuaga o le Tusi o Iakopo
Na faaaogā e Iakopo talafaatusa faaoso naunau e aʻoaʻo mai ai mataupu silisili tāua faa-Kerisiano.
Faatomuaga o le Tusi o 1 Peteru
Ua faalaeiauina i tatou i le tusi o muamua Peteru ina ia mataala ma lafo atu o tatou popolega uma i le Atua.
Faatomuaga o le Tusi o 2 Peteru
Ua faalaeiauina i tatou i le tusi lona lua a Peteru ina ia tumau faamaoni a o tatou faatalitali atu i le lagi fou ma le lalolagi fou.
Faatomuaga o le Tusi o 1 Ioane
I le tusi a Ioane o loo lapataʻia ai i tatou e faatatau i anetikeriso, ma fesoasoani ia i tatou e iloa mea e tatau ma mea e lē tatau ona tatou alolofa i ai.
Faatomuaga o le Tusi o 2 Ioane
Ua faamanatu mai e lenei tusi iā i tatou le tāua o le savavali pea i le upu moni ma faaeteete i tagata taufaasesē.
Faatomuaga o le Tusi o 3 Ioane
E tatou te aʻoaʻoina mai i le tusi lona tolu a Ioane le tāua o le talimālō faa-Kerisiano.
Faatomuaga o le Tusi o Iuta
Na faaalialia e Iuta ala iloagatā o i latou na taumafai e faasesēina Kerisiano.
Faatomuaga o le Tusi o Faaaliga
O vaaiga ofoofogia i le tusi o Faaaliga ua faailoa mai ai le auala o le a faataunuu ai e le Malo o le Atua lona finagalo mo tagata ma le lalolagi.
E te Ono Fiafia Foʻi
TUSI MA POLOSIUA