Kiˈne Ledo Qullaawa Maxaafa Xiinxallummoro, Yihowa Farciˈraasincho Ikka Hasiissannoe?
Deeˈni, ikkatto gede murrisannohehu dino. Lowo miliyoone ikkanno manni songonke miila ikka hoogirono, ninke ledo Qullaawa Maxaafa xiinxalla baxanno. a Xiinxallote pirogiraame qixxeessinoonnihu, Qullaawu Maxaafi mayyaannoro huwatatto gede kaaˈlateeti. Ninke ledo xiinxallite afiˈratto egenno ma garinni horoonsiˈrattoro doodhattohu kayinni ateeti. Ammana annu annu doodhanno coye ikkinota anfoommo.—Iyyaasu 24:15.
Xiinxallote yannara umiˈyaha Qullaawa Maxaafa horoonsiˈra dandeemmo?
Ee, dandaatto. Huwatate qarrisannokkiha Qullaawa Borrota Haaro Alame Tiro yinanniha Qullaawa Maxaafa horoonsiˈra banxeemmohanna hasiˈrittoro aterano mulla uyineemmoheha ikkirono, xiinxallinseemmohe woyite umikkiha Qullaawa Maxaafa horoonsiˈrittoro qarru dino. Woˈmanti Qullaawu Maxaafi tiro, Maganu Qaalita hexxotenna gatote sokka kultanno yaa dandiinanni.
Kiˈnewa higa hasiˈrannokki manna xiinxallissinannihu mayiraati?
Qaru korkaati, Maganu Yihowara noonke baxilleeti; Yihowa, Kiristaanu rosino coye wolootaho kulara hasiˈranno. (Maatewoosi 22:37, 38; 28:19, 20) Mannu Maganu Qaali yaannore huwatanno gede kaaˈline “Maganu ledo loonseemmore” ikkanke ninkera taalle nookki qoossooti.—1 Qorontoosi 3:6-9.
Qoleno olliichinkera noonke baxilli tenne assineemmo gede kakkayisannonke. (Maatewoosi 22:39) Maganu Qaalinni ronsoommoha dhagge ikkanno roso wolootaho kula hagiirsiissannonke.—Soqqamaasinete Looso 20:35.
a Lawishshaho, 2023nni aganu kiiro 7,281,212 ikkanno manna Qullaawa Maxaafa xiinxallinsoommo; kuri giddo haammatu manni mitteenni gamba yeenna xiinxallinsoommorino no. Ikkollana, hakko diro konni manni giddo cuuame Yihowa Farciˈraasine ikkinohu 269,517 manna callaho.
Kurino Lai
DUUCHU MANNI XAˈMANNO XAˈMO
Yihowa Farciˈraasine Mayite Ammantanno?
Ammananke giddo qara qara ikkinoha 15 roso nabbawi.
NINKE DAAFIRA
Qullaawa Maxaafa Xiinxallinseemmohu Hiittoonniiti?
Alamete doyichora, Yihowa Farciˈraasine Qullaawa Maxaafa mulla xiinxallisatenni egennantinoreeti. Tenne assinannihu hiittoonniitiro lai.
DUUCHU MANNI XAˈMANNO XAˈMO
Yihowa Farciˈraasine Qullaawa Maxaafa Xiinxallissannohu Hiittoonniiti?
Yihowa Farciˈraasine ledo Qullaawa Maxaafa woxe baaxxittokkinni xiinxallatto woyite, baxoottota Qullaawu Maxaafi tiro horoonsiˈra dandaatto. Xiinxallokkira maatekki gudisse woy jaallakki koyisa dandaatto.
QULLAAWU MAXAAFI XAˈMONNA DAWARO
Qullaawu Maxaafi Yaannore Huwatate Kaaˈlannori Maati?
Qullaawa Borro giddo noota Maganu sokka huwata dandaatto.
QULLAAWU MAXAAFI ROSO
Qullaawu Maxaafi Xiinxallonke Woˈnaalte Lai
Rosiisannohe manna worreennahe Qullaawa Maxaafa mulla xiinxalli.