Batinye dagara, sirchu taalleenyi haaqeete halcho ikke gatino.

•   “Sircho bade allaggisa alamete aana addi addi uurrinsha giddo, dagoomu giddonna heeshshote aana buutote qarra qala diagurtino. Mannu xaano umisi sircho roorsiˈre wole giwanno daafira mimmito beebba assiˈranno.”—Antooniyo Gutireezi, Buusantino Mangistubbaha Qara Borreessaancho.

 Mannu mereero sirchu taalleenyi heeˈranno yanna dagga ikka? Tenne daafira Qullaawu Maxaafi mayyaanno?

 Qullaawu Maxaafi addi addi sirchi wido ikkino manna Maganu ma garinni laˈˈannoro kulannonke.

•   “lsi [Maganu] mitto mancho kalaqe sirchosi halashshe, gobba baala woˈmanno gede assino.”—Soqqamaasinete Looso 17:26.

•   “Halaalinta Maganu manna mallaadannokkita xa buuxoommo. Aye gosano ikkiro Maganu waajjannosihanna dancha loosannoha baxanno.”—Soqqamaasinete Looso 10:34, 35.

 Qullaawu Maxaafi, mannu baalunku mitte maate ikkinotanna Maganu duuchunku sirchi manna baxannota kulanno.

 Manna baalanka taashshitannoti Maganu Mangisteeti; hakkuno gordu gashshooteeti. Tini Mangiste mannu mimmitoho danchare assanno gara rosiissanno. Qoleno mannu umisi sircho roorsiˈre wole giwannota agure taashshannoha ikkanno gara rosanno.

•   “Ati baattote aana noorira yoo yaatto waro, mannu taashshinanni gara bade afanno.”—Isayaasi 26:9.

•   “Keeraanchimmate loosi keere abbanno; keeraanchimmate gumino, hegerera hawaqiˈne heeˈnanni gede assanno.”—Isayaasi 32:17.

 Xaa yannara, lowo miliyoone ikkanno manni manna ayirrisa dandiinanni gara Qullaawu Maxaafinni rosanni no.

•   Ledde afate, “Manna Beebba Giwate Nyaau Xagichi Heeˈra Ikka?” yitannota Baqqi Yiiyye! yinanni metseete nabbawi.

•   Annuwunna amuuwu mine tenne hajo daafira hasaawa dandiitanno gara afate, “Oosote Sircho Bade Giwate Daafira Rosiisa” yaanno birxicho nabbawi.